Paris Saint-Germaini ka luajtur baras (1-1) ndaj Club Brugge në udhëtimin në Jan Breydel Stadion në raundin e parë të fazës grupore në Ligën e Kampionëve.
Kjo ndeshje shënonte debutimin e superyllit argjentinas, Lionel Messi, me fanellën e klubit parisien në garën më të madhe evropiane për klube.
Dy skuadrat që bëjnë pjesë ne Grupin A, shënuan nga një gol në pjesën e parë, në të cilën edhe u vulos takimi.
(Foto: Twitter/Paris saint-Germain)
I asistuar nga Kylian Mbappe, Ander Herrera e zhbllokoi rezultatin në minutën e 15-të, ndërsa Hans Vanaken e barazoi rezultatin (27’) pas asistimit nga Eduard Sobol.
Në pjesën e dytë, asnjëra nga skuadrat nuk ia doli të shënonte, ashtu që i ndanë pikët dhe qëndrojnë prapa liderit Manchester City që e nëpërkëmbi RB Leipzigun (6-3). /Telegrafi/
https://twitter.com/Sexyclare3/status/1438222711558443013
