PSG ka gati mbi 115 milionë euro dhe dyfishim të pagës për Kanten

PSG ka gati mbi 115 milionë euro dhe dyfishim të pagës për Kanten Paris Saint-Germain është gati të ofrojë më shumë se 100 milionë funte apo 115 milionë euro për mesfushorin francez të Chelseat, N’Golo Kante.

Kante ka treguar formë të lartë në vitet e fundit në Ligën Premier, me Leicester Cityn dhe Chelsean.

Kjo formë dhe paraqitjet e larta me kombëtaren e Francës gjithashtu kanë bërë që Kante të bëhet një objektiv i skuadrave të mëdha evropiane.

Lexo po ashtu PSG kërkon Kanten, lojtari pret ta mësojë emrin e menaxherit të ri të Chelseat

Sipas Goal.com, PSG e kanë bërë Kanten objektivin e tyre primar dhe se ata mund të përfshijnë mesfushorin francez, Adrien Rabiot, si pjesë të marrëveshjes.

Mesfushori francez, i cili do të përballet me Uruguain në çerekfinale të Kupës së Botës të premten, pothuajse do të dyfishojë pagën e tij nëse ai do të transferohej në Parc des Princes.

Lexo po ashtu Tjetër shpenzim i madh nga PSG, Kante objektivi kryesor i parisienëve

PSG është gati për t’i ofruar Kantes një kontratë afatgjatë me vlerë prej 220 mijë funtesh në javë apo një rritje prej 100 mijë funtesh nga kushtet e tij aktuale në Stamford Bridge.

Megjithatë, Blutë mund të zgjedhin të shmangin interesin për ish-lojtarin e Leicester duke i ofruar atij një marrëveshje të përmirësuar me një vlerë të ngjashme. /Telegrafi/