PSG beson se mund ta blejë Skriniarin për 60 milionë euro

Paris Saint-Germaini është duke i vazhduar bisedimet me Interin dhe përfaqësuesit e klubit francez janë të bindur se mund ta mbyllin me sukses marrëveshjen për Milan Skriniar.

Në ditët e fundit ka pasur thashetheme të shumta në lidhje me oferta të ndryshme dhe refuzime që janë bërë në lidhje më këtë transferim.

Mirëpo, sipas RMC Sport, nuk ka pasur ofertë zyrtare, pos që PSG dëshiron t’i vazhdojë bisedimet për të arritur çmimin për të cilin do të pajtoheshin të gjithë.

Në bazë të këtij njoftimi, ajo shifër mund të jetë 60 milionë euro plus shtesat në formë bonusesh.

Lexo po ashtu PSG përgatitet të dyfishojë pagën e Skriniar për ta transferuar nga Interi

Njëherësh, kjo shumë nuk është shumë larg asaj të raportuar nga eksperti i transferimeve të Sportitalia, Alfredo Pedulla, ditën e djeshme (e martë), i cili kishte përmendur 65 milionë euro plus shtesat.

Interi ka kërkuar së paku 80 milionë euro për shërbimet e qendërmbrojtësit, por duke qenë se ka vetëm edhe një vit kontratë me Nerazzurrët, atëherë mund ta pranojë një ofertë më të ulët.

Krahas PSG, për shërbimet e Skriniar janë të interesuar edhe Chelsea, Manchester United dhe Tottenham Hotspur. /Telegrafi/