Tashmë dihet që në finalen e Ligës së Kampionëve për të dytin vit radhazi, nuk do të ketë klub që ta përfaqësojë Spanjën.
Sidoqoftë, finalja nuk do të jetë plotësisht pa përfaqësimin spanjoll pasi të dy klubet, Paris Saint-Germain dhe Bayern Munich, mburren me spanjollët në radhët e tyre.
Për parisienët, do të jenë gjithsej katër spanjollë që shpresojnë të ngrenë trofeun e famshëm: Sergio Rico, Juan Bernat, Ander Herrera dhe Pablo Sarabia.
Bayern, ndërkohë, ka në skuadër lojtarë spanjoll si: Alvaro Odriozola , Javi Martinez dhe Thiago Alcantara.
Tuchel pritet ta nis ndeshjen me Ander Herrera dhe Juan Bernatin, por me shumë gjasa edhe Sergio Ricon, që do të jetë në portë në vend të të lënduarit Keylor Navas.
Ander Herrera
31-vjeçari u largua nga Athletic Bilbao në vitin 2014 në kërkim të ndeshjeve si ajo në të cilin do të luajë nesër. Ai kaloi pesë vjet në Manchester United, ku fitoi një Ligë të Evropës me “Djajtë e Kuq”, përpara se të transferohej në PSG verën e kaluar.
Fatkeqësisht, në sezonin e tij të parë me parisienët, Herrera ka pasur dëmtime të shumta që e kanë lënë jashtë skuadre.
Bernat do të luajë kundër ish-shokëve të tij të skuadrës të dielën në mbrëmje dhe do të kërkojë të sigurojë trofeun për klubin e tij aktual.
Mbrojtësi i majtë i Valencias, i cili luajti 113 ndeshje për Bayern Munich, me gjasë do të nisë ndeshjen ndaj PSG-së të dielën, ku do të ketë si synim të fitojë trofeun e tij të gjashtë në klubin.
Sidoqoftë, ai do të përballë Serge Gnabryn, i cili shënoi dy në ndeshjen gjysmëfinale kundër Lyonit. Bernat ka bërë 31 paraqitje këtë sezon, duke shënuar dy gola dhe duke siguruar shtatë asistime.
Portieri në huazim nga Sevilla është dashur ta luftojë për fanellën Nr.1 me Keylor Navas këtë sezon.
Sidoqoftë, për shkak të dëmtimit të Keylor, ai ka luajtur disa ndeshje për PSG dhe mbetet të shihet se kush do të startojë të dielën.
Sarabia është një lojtar që çdokush do të dëshironte në ekipin e tyre, pavarësisht se kryesisht paraqiste si zëvendësues. Spanjolli që ka bërë paraqitjet të mëdha për PSG, duke siguruar edhe cilësi.
Sarabia ka luajtur 40 ndeshje këtë sezon, duke shënuar 14 gola dhe asistuar tetë herë.
Bayern ka qenë i njohur për skautimin e lojtarëve spanjollë në të kaluarën, por nga tre spanjollët e tyre, vetëm Thiago Alcantara shfaqet rregullisht në fushë.
Javi Martinez dhe Odriozola mund të nisen nga bankina për skuadrën gjermane, por mbetet për tu parë.
Thiago Alcantara
Kjo ndoshta do të jetë ndeshja e fundit e Thiago me fanellën e Bayern Munich, pasi ishte lidhur me një numër klubesh këtë verë.
Pavarësisht se ka kaluar mbi një vit i dëmtuar, ai ka shënuar 31 gola dhe ka asistuar 37 herë në 234 paraqitjet e tij për Bayern.
Këtë sezon, ai ka luajtur 39 ndeshje.
Spanjolli arriti në Bayern në vitin 2012, duke qenë një pjesë e skuadrës që fitoi tripletën nën drejtimin e Jupp Heynckes.
Lëndimet e vazhdueshme kanë detyruar lojtarin të luaj më shumë si mbrojtës qendror, sesa re roli i tij i preferuar i mesfushorit mbrojtës.
Lojtari i vetëm në Bayern Munich që mund të fitojë pesë trofe këtë sezon: La Ligan dhe Superkupën e Spanjës me Real Madrid dhe trefpletën me klubin gjerman.
Pavarësisht dëmtimit të Benjamin Pavard, spanjolli ende nuk e ka bindur tranerin Hans Flick, duke luajtur vetëm gjashtë herë. /Telegrafi/
