Botë Nga Bota Evropa

Pse ishte i rëndësishm udhëtimi i sotëm i Nancy Pelosit në Kiev?

Para 3 vitesh

Udhëtimi i paparalajmëruar i Kryetares së Dhomës së Përfaqësuesve të SHBA-së, Nancy Pelosi për ta takuar presidentin ukrainas, Vladimir Zelenskyn në Kiev, vjen në një kohë kur amerikanët dhe aleatët e saj po rritin mbështetjen për Ukrainën ndërsa agresioni rus ka hyrë në muajin e tretë.

“Amerika qëndron me Ukrainën, ne qëndrojmë me Ukrainën deri në fitore. Gjithashtu ne jemi edhe me NATO-n”, tha ajo pas vizitës në Ukrainë, raporton cnn.

Pelosi tha se me Zelenskyn diskutoi rreth ndihmës humanitare dhe financiare gjatë vizitës në qytetin e Kievit, e cila zgjati pak më shumë se tri orë.

NEW: US House Speaker Nancy Pelosi is in Kyiv to meet Zelenskyy.

Accompanied by Adam Schiff, chair of House intelligence, and Gregory Meeks, chair of House foreign affairs. pic.twitter.com/jehChzWJra

— Raf Sanchez (@rafsanchez) May 1, 2022

Ajo tha gjithashtu se ishte “një nder i madh të takohesha me presidentin ukrainas dhe t’i “përcillja atij mesazhin e unitetit të Kongresit Amerikan”.

Ndërkohë, Zelensky pohoi se është mirënjohës ndaj popullit amerikan për ndihmën e dhënë deri më tani.

“Unë jam mirënjohës për mbështetjen e fortë të Shteteve të Bashkuara, popullit të saj dhe Kongresit. Si president, ekipi ynë dhe populli i Ukrainës e vlerësojnë këtë”, tha ai.

Ndërkohë, javën e kaluar, në përgjigje të kërkesave të Zelenskyt, një grup prej 40 kombesh të mbledhura nga Shtetet e Bashkuara në Gjermani ranë dakord të thjeshtonin dhe përshpejtonin procedurat e dërgimit të armëve në Ukrainë.

Të enjten, Dhoma e Përfaqësuesve miratoi një ligj që do të lejojë presidentin amerikan, Joe Biden të përdorë ligjin që nga koha e Luftës së Dytë Botërore, për dërgimin e shpejtë të armëve në Ukrainë.

Në fakt, ligji ishte krijuar fillimisht për të ndihmuar forcat që luftuan kundër liderit të Gjermanisë naziste, Adolf Hitlerit.

Our Congressional Delegation was honored to meet with @ZelenskyyUa in Kyiv to salute his leadership and courage, to commend the Ukrainian people for their outstanding defense of Democracy and to say that we are with you until victory is won. pic.twitter.com/zkc588Qcrv

— Nancy Pelosi (@SpeakerPelosi) May 1, 2022

Presidenti amerikan ka kërkuar 33 miliardë dollarë shtesë për të mbështetur Ukrainën gjatë muajve të ardhshëm, ndërsa lufta brutale e Rusisë hyn në një fazë të re.

Biden gjithashtu paraqiti një propozim që do të ushtronte presion shtesë mbi oligarkët rusë për luftën në Ukrainë, duke përfshirë përdorimin e parave dhe aseteve të tyre të konfiskuara për të financuar mbrojtjen e Ukrainës.

Zelensky theksoi rëndësinë e ndihmës financiare në takimin me Pelosin.

“Sinjalet që Shtetet e Bashkuara dhe Biden po i japin Ukrainës sot janë shumë të rëndësishme. Këto janë hapa të fortë në mbrojtjen dhe mbështetjen financiare të Ukrainës – ne jemi mirënjohës për këtë”, tha ai.

Vizita e kryetares së Dhomës së Përfaqësuesve, Pelosi, e cila është njeriu numër dy në Amerikës pas presidentit të Shteteve të Bashkuara, sinjalizon një masë të konsiderueshme angazhimi për të mbështetur Ukrainën nga niveli më i lartë i udhëheqjes amerikane. /Telegrafi/