Pse dita e dytë e menstruacioneve është gjithmonë më e dhimbshme për shumicën e grave?

Shumë gra do të pajtohen që dita e dytë e menstruacioneve është gjithmonë më e dhimbshme. Megjithatë, kjo nuk është rastësi dhe ka një shpjegim shkencor se pse ajo ditë e veçantë është më e keqja.

Dhimbjet menstruale mund të jenë jashtëzakonisht të rënda dhe gratë shpesh duhet të përdorin ilaçe për të përballuar ngërçet, lodhjen dhe ndryshimet e humorit.

Arsyeja kryesore që dita e dytë e ciklit tuaj menstrual është kaq e tmerrshme qëndron tek hormonet – veçanërisht, prostaglandinat, të cilat shfaqen kur nivelet e progesteronit bien.

“Ndërsa mbështjellja juaj e mitrës prishet, prostaglandinat – kimikate të ngjashme me hormonet – lëshohen në trup”, tha doktoresha Fatema Mustansir Dawoodbhoy, e specializuar në gjinekologji.

Sipas saj, prostaglandinat e tepërta mendohet se janë arsyeja kryesore për ato ngërçe “të bezdisshme” që ndjeni pasi stimulojnë mitrën tuaj të tkurret, duke ndihmuar në derdhjen e indeve të vjetra endometriale që çlirohen nga trupi juaj si gjak menstrual.

“Prostaglandinat gjithashtu ngushtojnë enët e gjakut në mitër, duke reduktuar sasinë e oksigjenit që indet e mitrës marrin, gjë që çon në ngërçe dhe dhimbje”, shpjegon ajo.

Nivelet tuaja të prostaglandinës arrijnë kulmin në ditën e dytë të menstruacioneve, gjë që e përkeqëson dhimbjen. Gjinekologia Emilie Cote thotë se ndryshime të tjera hormonale gjatë ditëve të para të menstruacioneve mund të ndikojnë gjithashtu në perceptimin tonë për dhimbjen.

“Ashtu si progesteroni, nivelet e estrogjenit gjithashtu bien në fillim të ciklit tuaj. Kjo do të thotë se gjendjet e tjera të dhimbjes si migrena ose fibromialgjia mund të përkeqësohen kur ju keni menstruacionet, pasi hormoni i estrogjenit bie në nivelin më të ulët”, tha gjinekologu Cote.

Fakti që fluksi juaj është zakonisht më i rëndë në ditën e dytë të ciklit tuaj, gjithashtu kontribuon në ngërçe më të dhimbshme.