Profili Dereck Chisoras – kundërshtarët e mëdhenj të boksierit që ndeshet me shqiptarin Senad Gashi

Dereck Chisora është një boksier britanik, i cili ka fituar tituj në disa kampionate regjionale në kategorinë e peshave të rënda, duke përfshirë titujt evropianë, britanikë, të federatës, WBA ndërkombëtar dhe WBO ndërkombëtar, si edhe ka sfiduar një herë për titullin WBC.

Më 11 dhjetor të vitit 2010, 35-vjeçari është dashur të ndeshej me asokohe kampionin në fuqi të IBF, IBO, WBO, Lineal dhe Ring Magazine, Wladimir Klitschko, mirëpo ukrainasi u tërhoq tri ditë para duelit për shkak të një lëndimi muskulor.

https://www.instagram.com/p/BweKDl2AJXa/

Meçi u ricaktua për datën 30 prill 2011, mirëpo Klitschko e anuloi në mënyrë që të ndeshej me David Hayen (më 2 korrik të atij viti).

Lexo po ashtu Gjithçka që duhet të dini rreth duelit ndërmjet Dereck Chisoras dhe Senad Gashit

Më 23 korrik 2011, Chisora e mbrojti titullin britanik dhe atë të federatës kundër Tyson Fury ( i cili më vonë u bë kampioni i unifikuar botëror).

Në shkurt të vitit 2012, britaniku e sfidoi Vitali Klitschkon për titullin WBC në kategorinë e peshave të rënda, mirëpo humbi me pikë.

Statistika

Duele: 38

Fitore: 29

Fitore me nokaut: 21

Humbje:  9

Në korrik të vitit 2012, David Haye ishte emri tjetër i madh që dueli me Chisoran. Në një përballje të fortë, Haye fitoi me nokaut teknik.

Rimeçi me Tyson Furyn, dueli me Dillian Whyte dhe ai me Carlos Takam – janë meçet tjera të mëdha në karrierën e Dereck Chisoras, i cili synon të rikthehet për të sfiduar për titull bote, mirëpo fillimisht duhet ta kalojë shqiptarin Senad Gashi. /Telegrafi/