ProCredit Bank Maqedoni festoi 20 vjetorin e ekzistencës në tregun e Maqedonisë

ProCredit Bank Maqedoni dje organizoi festim me rastin e 20 vjetorit në tregun maqedonas. Në hapësirën e bukur të ProCredit Akademisë në Liqenin e Velesit me mbi 850 të ftuar, ekipi menaxhues i bankës priti klientët e saj, figura të njohura nga industria bankare maqedonase, partnerë dhe media, duke përfshirë guvernatoren e Bankës Kombëtare të RMV-së Anita Angellovska-Bezhoska dhe ambasadoren gjermane në vend, Petra Dreksler.

Festimi ishte një mundësi e shkëlqyer për të kujtuar fillimet. ProCredit Bank Maqedoni ka qenë gjithmonë një bankë e orientuar drejt zhvillimit, e fokusuar në mbështetjen e ndërmarrjeve të vogla dhe të mesme, digjitalizimin dhe inovacionin, si dhe avokate e funksionimit të përgjegjshëm dhe kultivimit të vlerave reale. Gjatë 20 viteve të fundit, Banka ka arritur të japë një kontribut të rëndësishëm në zhvillimin e ekonomisë vendase, mbështetjen e eksporteve dhe krijimin e vendeve të reja të punës.
“Në 20 vitet e fundit, ne kemi arritur rezultate të jashtëzakonshme. ProCredit Bank ka mbështetur mbi 4.000 kompani maqedonase dhe sot është një nga aktorët kryesorë në sektorin bankar maqedonas, me një portofol kredie prej gati gjysmë miliardë eurosh, nga të cilat 90% janë kredi për mbështetjen e bizneseve dhe një pjesë e tregut prej 15% në segmentin e ndërmarrjeve të vogla dhe të mesme. E gjithë kjo na lejon të vendosim pritshmëri ambicioze edhe për të ardhmen”, para të pranishmëve theksoi kryetarja e Bordit mbikëqyrës të ProCredit Bank Maqedoni, Jovanka Joleska Popovska.

ProCredit Bank shquhet në tregun maqedonas si pionier në digjitalizimin e bankave, duke filluar nga viti 2015 me hapjen e zonave 24/7 përmes zëvendësimit të degëve klasike të bankave dhe futjes së një platforme digjitale për kërkesat kreditore dhe administrative të klientëve. deri në inovacionin, promovimin dhe mbështetjen e evolucionit digjital të kompanive të vogla dhe të mesme, të cilat janë klientët e tyre më të shumtë.
“Jam krenare me ekipin e profesionistëve të përkushtuar dhe të fuqishëm me vlera të larta etike, të zellshëm, këmbëngulës, me një shkallë të lartë përgjegjësie dhe integriteti personal, të cilët punuan pa u lodhur për të vendosur standarde të reja, më të larta në banka, shërbime me cilësi të lartë dhe profesionalizëm të lartë.

ProCredit Bank ka qenë shembull i përgjegjësisë për 20 vjet, por ne nuk ndalemi me kaq. Ne vazhdojmë me misionin tonë për të ofruar shërbime financiare të përgjegjshme dhe të qëndrueshme që kontribuojnë në zhvillimin e ekonomisë vendase, shoqërisë dhe mjedisit, duke ofruar zgjidhje digjitale inovative dhe promovimin e efiçencës së energjisë”, konkludoioi në prezantimin e saj Joleska Popovska.
Festimi korporativ me rastin e 20 viteve të rritjes dhe suksesit është vetëm pjesë e fushatës së ditëlindjes së ProCredit Bank Maqedoni. Nën sloganin “Shembull i përgjegjësisë”, përmes shembujve personale Banka krijoi një fushatë që tregon se përgjegjësia sociale nuk do të thotë vetëm një donacion, por është një parim i sistemuar i punës që përfshin një sërë praktikash të përgjegjshme që investojnë në një të ardhme më të mirë për të gjithë.