Probleme të ashensorit, një i vdekur dhe 12 njerëz të bllokuar në një minierë të arit në Kolorado

Një person ka vdekur dhe 12 të tjerë mbeten të bllokuar në rreth 300 metra thellësi brenda një miniere ari në Kolorado pas një mosfunksionimi të pajisjeve.

Sipas mediave të huaja, përcjell Telegrafi, incidenti ndodhi brenda minierës së arit Mollie Kathleen pranë Cripple Creek të enjten pasdite.

Në një konferencë për shtyp, Sherifi Jason Mikesell me Zyrën e Sherifit të Qarkut Teller konfirmoi vdekjen e një personi brenda minierës.

Sipas Sherifit, një mosfunksionim me sistemin e ashensorit krijoi një ‘rrezik të madh’ për ata që ndodheshin në të ndërsa ishin rreth 150 metra në minierë.

On scene at Colorado mine collapse in cripple creek. This is the Mollie Kathleen mine. I’ve done it myself too. They really cram people in the elevator shaft. pic.twitter.com/1pk1wWEyGj

— ShootasTour (@ShootasTour) October 10, 2024

Ai tha se ekipet e shpëtimit arritën të “tërhiqnin” njëmbëdhjetë njerëz, të cilët ishin ngecur në gjysmë të rrugës në bosht, me dymbëdhjetë të tjerë të bllokuar.

BREAKING: At least one person was killed, four were injured and more than 10 others are still trapped inside a former gold mine in Colorado after an apparent equipment malfunction, officials say. https://t.co/iggMnlDN81 pic.twitter.com/5lsQZw4F8M

— CBS Evening News (@CBSEveningNews) October 10, 2024

Autoritetet kanë thënë se të ngecurit në fund të minierës kanë batanije, karrige dhe ujë, janë në gjendje të mirë shëndetësore dhe po komunikojnë me ekipet e shpëtimit.

Ndërkohë zyrtarët kanë bërë të ditur se janë të paktën katër persona që kanë pësuar lëndime të lehta, duke përfshirë dhimbje në shpinë dhe qafë, janë trajtuar në vendngjarje.

Rescue in-progress at Colorado’s Molly Kathleen gold mine, news reports. People are reported trapped. The mine is a tourist site near Cripple Creek. Visitors descend 1,000 feet. Mine is scheduled to close Sunday. A news conference is set https://t.co/4x55oric5a#CO #Mine #Rescue https://t.co/kjObFblook pic.twitter.com/HoYJgH4z8L

— Jeff Schwartz (@SchwartzNow) October 10, 2024

Dy fëmijë ishin gjithashtu mes atyre që tashmë janë nxjerrë nga miniera nga ekipet e shpëtimit. Mbetet e paqartë se si dështoi ashensori brenda boshtit.

Sherifi tregoi se një nga 12 të bllokuarit është një punonjës me përvojë sigurie në minierë dhe 11 të tjerët janë turistë.

Miniera, e cila është një atraksion turistik, u mbyll zyrtarisht në vitet 1960, por ka vazhduar të ofrojë turne që i çojnë njerëzit thellë në tokë.

Sipas faqes së internetit të kompanisë, turneu përfshin një udhëtim dy minutash poshtë në minierë, ku turistët mund të ecin rreth 400 metra terreni nëntokësor. /Telegrafi/