“Pritja e Donnarummas ndaj Manajt vendimtare, nëse do të shënonte nuk kishim kohë për asgjë” – legjenda Buffon përgëzon portierin italian

Sulmuesi i Shqipërisë, Rey Manaj, kishte një mundësi të mirë për të shtangur humbjen ndaj Italisë në minutën e fundit, por Gio Donnarumma bëri pritje të madhe, duke mos i lejuar kuqezinjtë të marrin pikë në ndeshjen e parë në Euro 2024.

Sulmuesi ndali me gjoks dhe e kontrolloi në mënyrë të shkëlqyer një pasim nga 50 metra nga Kristjan Asllani, duke lënë pas Riccardo Calafiorin për të dal në rast të mirë për gol.

Ndërkohë që gjuajtja e tij me parabolë u devijua lehtë me trup nga Gigio Donnarumma, i cili arriti të shmangte golin që do të barazonte sfidën në 2-2.

Portieri i njohur italian festoi si i çmendur për këtë ndërhyrje vendimtare, ndërkohë që u shfaq duke festuar pa mas pasi u mbyll ndeshja.

“Gardiani” i parë italian për Euro 2024 është përgëzuar nga Gianluigi Buffon, shefi i delegacionit të kombëtares italiane në Gjermani 2024.

“Janë të shumta pritjet e Donnarummës si ajo ndaj Manajt, madje ka bërë edhe ndërhyrje më të vështira. Ishte një pritje shumë vendimtare”.

“Kjo sepse nëse Shqipëria do të shënonte nuk do të kishim më kohë dhe hapësira për të reaguar”, ka thënë legjenda e portës italiane Buffon. /Telegrafi/