Princi William dhe Harry vijnë me një deklaratë të përbashkët për Princeshën Diana pak para përvjetorit të 23-të të vdekjes

Princi William dhe Princi Harry bashkuan forcat në një deklaratë të rrallë që i përkiste një statuje që kishte për qëllim të nderonte nënën e tyre, Princeshën Diana.

Statuja, tha deklarata e tyre, së pari ishte ‘porositur për të shënuar përvjetorin e njëzetë të vdekjes së saj dhe për të njohur ndikimin e saj pozitiv në Mbretërinë e Bashkuar dhe në të gjithë botën’ në shkurt 2017.

William, 38 vjeçar, dhe Harry, 35 vjeçar, zbuluan në deklaratë datën e re në të cilën statuja do të shfaqet në Pallatin Kensington, ku dikur jetonte Diana.

“Statuja do të instalohet në Sunken Garden në Pallatin Kensington më 1 korrik 2021, duke shënuar 60 vjetorin e lindjes së Princeshës”, tha Duka i Kembrixh-it dhe Duka i Sussex-it.

Princat shpresojnë që statuja të ndihmojë të gjithë ata që vizitojnë Pallatin Kensington të reflektojnë mbi jetën e nënës së tyre dhe trashëgiminë e saj.

Vëllëzërit publikuan deklaratën të premten, ditë para përvjetorit të 23-të vdekjes së nënës së tyre.

“Nëna jonë preku kaq shumë jetë”, përfunduan ata.

Princesha e Uellsit ndërroi jetë më 31 gusht 1997, në moshën 36 vjeçare në një aksident me makinë në Paris.

Kjo është deklarata e parë e përbashkët që princat kanë bërë që kur Princi Harry dhe gruaja e tij, Meghan Markle, u tërhoqën si anëtarë të familjes mbretërore.

Të njëjtit thuhet se kanë pasur shumë ‘tensione’ mes tyre për shkak të jetës së re të Harry-t në Amerikë. /Telegrafi/