Presidentja e Parlamentit Evropian: Kosovës duhet t’i liberalizohen vizat

Presidentja e Parlamentit Evropian, Roberta Metsola, e ka cilësuar ditën e sotme si historike, ndërkohë që Samiti i Bashkimit Evropian me vendet e Ballkanit Perëndimor tashmë ka nisur punimet.

Para mediave, Metsola ka përmendur liberalizimin e vizave për Kosovën dhe hapjen e negociatave për Shqipërinë dhe Maqedoninë e Veriut – si dy çështje që duhet të zgjidhen.

Sipas saj, BE-ja duhet t’i hapë dyert për vendet që e shikojnë atë si shtëpinë e tyre.

Lexo po ashtu Presidentja e PE-së: Thirrjet për liberalizim vizash për Kosovën po hasin në veshë të shurdhër

“Sot është një ditë historike për dy arsye; sepse këtë mëngjes do të kemi një samit me Ballkanin Perëndimor dhe dua t’i them disa fjalë në emër të Parlamentit Evropian”, deklaroi ajo.

“Zgjerimi gjithmonë është parë si një proces transformativ për vendet që duan të shohin Evropën si shtëpinë e tyre dhe sot është dita kur ne përnjëmend duhet të nisim negociatat për anëtarësim për Shqipërinë dhe Maqedoninë e Veriut, ne duhet përnjëmend të flasim për liberalizimin e vizave për Kosovën”. /Telegrafi/

#WesternBalkans belong in ??

Transformative power of enlargement is beyond any doubt. We should open doors to countries looking to EU as their home.

In times of war courageous decisions must be made.

We must:
•start negotiations with ?? & ??
•grant visa liberalisation to ?? pic.twitter.com/p8aJInI7ML

— Roberta Metsola (@EP_President) June 23, 2022