Kryetari i Institutit Demokratik Kombëtar Amerikan (NDI), Kenneth Wollack, sot do të zhvillojë bashkëbisedim me studentë të universiteteve të akredituara në Kosovë, në lidhje me sfidat në ndërtimin e demokracisë.
Wollack do të diskutojë rreth programeve të NDI-së dhe organizatave e institucioneve të tjera ndërkombëtare për zhvillimin dhe avancimin e demokracisë në nivel global, si dhe problemet me të cilat ballafaqohen vendet në tranzicion, në përpjekjet e tyre për të forcuar demokracinë dhe qeverisjen e mirë.
