Presidenti i Fenerbahces ka konfirmuar largimin e Arda Guler

Presidenti i Fenerbahces, Ali Koc, ka konfirmuar largimin e yllit të ri Arda Guler në këtë afat kalimtar.

Biznesmeni turk, i cili është anëtar i brezit të tretë të familjes më të pasur Koç në Turqi dhe president i Fenerbahçes që nga viti 2018, siguroi se klubi kishte gjetur formulën për të mbajtur numrin ’10’ edhe një sezon , por se ishte vetë futbollisti i cili vendosi të ndryshojë marrëveshje.

Arda dëshiron të vazhdojë të hedhë hapa në karrierën e tij drejt elitës së futbollit dhe mendon se kohës së tij në Superligën turke i ka ardhur fundi.

“Arda Güler ka vendosur të largohet. Ne gjetëm një mënyrë që ai të qëndrojë edhe një vit, por ai ka vendosur dhe dëshiron të largohet dhe ne duhet ta respektojmë atë ”, siguroi ai.

Turku i talentuar vendosi të pranojë ofertën e Real Madridit për t’i dhënë fund një beteje me Barcelonën.

Lexo po ashtu Real Madridi apo Barcelona: Mediumi turk raporton se Arda Guler ka vendosur se ku dëshiron të luajë

Los Blancos do të paguajnë 20 milionë euro në vend të 17.5 të klauzolës së tij për të marrë shërbimet e një prej sensacioneve.

Presidenti i Fenerbahces ka thënë se ende nuk është mbyllur transferimi, por më vonë pasi gjithçka të konfirmohet do të tregojë gjithçka çfarë ka ndodhur me bisedimet. /Telegrafi/