Presidenti i Cluj e pranon se Ermal Krasniqi mund të largohet – dy oferta në tavolinë për yllin e Kosovës

Ermal Krasniqi mund të largohet nga Cluji në këtë afat kalimtar, pasi për të ka shumë të interesuar.

Ylli i Kosovës u transferua te klubi rumun vetëm në muajin janar nga Ballkani dhe tani mund të sigurojë një tjetër lëvizje, por jashtë Evropës.

Për të ka të interesuar nga Arabia Saudite, ndërsa një ofertë e fundit është edhe nga Korea e Jugut.

Lexo po ashtu Klubi nga Arabia Saudite me ofertë për Ermal Krasniqi – ylli i Kosovës mund të luajë kundër Ronaldos dhe Benzemas sezonin e ardhshëm

Lajmi u bë i ditur nga Digi Sport Matina, që ka intervistuar presidentin e klubit, Cristian Balaj.

“Për Krasniqin ka interesim, por kjo nuk do të thotë se gjithsesi do të largohet. Për sa kohë që ofertat janë të kënaqshme për klubin dhe lojtarët, ka mundësi të largohen”, ka thënë 51-vjeçari për këtë medium.

Në Korenë e Jugut, Krasniqi mund të ribashkohet me ish-trajnerin e tij, Dan Petresuc, që u largua në këtë verë nga Cluj dhe shkoi te Jeonbuk Hyundai Motors.

Lexo po ashtu Ermal Krasniqi, gati për të kapur transferimin e karrierës së tij: CFR Cluj tashmë ka vendosur çmimin e tij

Pritet që në javën e ardhshme të ketë lëvizje konkrete për sulmuesin kosovar dhe klubi rumun ka bërë të ditur se nëse arrin oferta e duhur, do ta shesin.

Ditë më parë, ProSport raportoi se Al-Riyadh ka shfaqur interesim për 24-vjeçarin dhe janë të gatshëm të ofrojnë pesë milionë euro për kartonin e tij. /Telegrafi/