Posta i kthen dërgesën tetovarit, nuk ia njeh adresën në gjuhën shqipe!
Avokati tetovar Harun Behadini është ankuar se Posta e Maqedonisë nuk merr parasysh adresat e dërgesave, kur në të njëjtat shënohet adresa në gjuhën shqipe. Ai nënvizon se këtyre ditëve ka nisur një dokument për në Gjykatën Themelore Shkupi 1 në Shkup, shkruan gazeta KOHA.
“Adresën në dërgesë e kam shënuar në gjuhën shqipe dhe më pas më ka ardhur e njëjta dërgesë me vulë se adresa e njëjtë nuk ekziston. Kjo është hera e parë që ndodh që të më kthehet kjo përgjigje, sepse në të kaluarën kam dërguar dërgesa ndonjëherë në gjuhën shqipe, ndonjëherë në gjuhën maqedonase, por dërgesa ka arritur. Një rast i këtillë më ka ndodhur për herë të parë dhe mendoj se postierit i ka penguar gjuha shqipe pse ka qenë e shënuar dhe e ka kthyer dërgesën”, thotë avokati Behadini.
Ai nënvizon se kjo ka ndodhur gjatë kësaj jave që po e lëmë pas, kurse më herët njëjtë ka qenë e shkruar adresa, sepse në Gjykatën themelore në Shkup ne dërgojmë shpesh dërgesa përmes postës. Ai thotë kjo ka ndodhur në Postën në Shkup.
“Pikërisht në pjesën ku e kam shënuar Gjykata Themelore Shkup, i është vënë vizë, pra si adresë e pasaktë, prandaj mendoj se ka prapavijë në këtë rast. Nuk besoj se ka arsye tjetër, sepse në të kaluarën edhe kur dërgesa ka qenë në gjuhën shqipe, e njëjta pa problem ka arritur në vendin e duhur”, thotë për KOHA Behadini.
Në ndërkohë, nga kabineti i drejtorit të Postës së Maqedonisë, Fadis Rexhepi, thonë se dërgesa është kthyer vetëm sepse ka qenë pa adresë të saktë të shënuar.
“Në bazë të ankesës së lëshuar, shërbimet profesionale të Postës së Maqedonisë e shqyrtuan letrën dhe u konstatua se në bazë të nenit 25 nga pjesa 3 nga kushtet për pranim të dërgesave postare nga Rregullorja e kushteve të përgjithshme për sigurimin e shërbimeve universale për çdo dërgesë, adresa e pranuesit patjetër duhet të jete e qartë dhe duhet t’i përmbajë të gjitha të dhënat, si emri dhe mbiemri për persona fizik, emri i pranuesit për persona juridik, rruga dhe numri, numri i hyrjes, kati dhe banesa, vendbanimi, qyteti, numri postar, emri i postës dorëzuese, që të mund dërgesa të jetë e dorëzuar saktë dhe shpejt. Në bazë të kësaj, mund të konstatohet që adresa është e paplotësuar”, thonë nga kabineti i drejtorit të Postave të Maqedonisë.
Promo
Reklamo këtuLufta Prigozhin - Putin
Më shumë“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe