Pornografia nuk ndikon njësoj te meshkujt dhe femrat, disave u ndihmon, ndërsa të tjerëve ua shuan epshin

Studimi zbuloi ironinë që pornografia, një industri e dominuar nga meshkujt, lidhet me një erozion të cilësisë së jetës seksuale

Pornografia është e keqe për jetën seksuale të meshkujve – ky nuk është paralajmërimi nga videot pornografike, por sipas një studimi të ri, ndoshta duhet të jetë. Për gratë, nga ana tjetër, përdorimi i pornografisë mund të mos jetë aq i keq.

Studimi i publikuar në revistën “Psychological Medicine” është studimi longitudinal i bërë gjatë tre vjetëve ka përfshirë më shumë se njëqind mijë pjesëmarrës.

Hulumtuesit kanë matur shpeshtësinë e përdorimit të pornografisë të pjesëmarrësve, aftësinë seksuale dhe funksionimin seksual të tyre.

Përfundimi të cilin e kanë nxjerrë është ‘ironik’, transmeton Telegrafi.

Përdorimi i tepërt i pornografisë ndër meshkujt heteroseksualë ka çuar deri aty që të ‘dyshojnë në performancën e tyre seksuale, pos në përballje me problemet në kuptimin ‘e impulsit seksual, ereksionit dhe funksionimit biologjik’.

Dhe jo vetëm kjo, është konstatuar që edhe partneret e tyre janë të pakënaqura.

– Te femrat, hulumtuesit kanë vërejtur një ‘trend të kundërt’. Sa më shumë që femrat të shikojnë pornografi, edhe ndjenja e tyre e aftësisë seksuale është më e madhe, ndërsa problemet janë më të vogla dhe partnerët e tyre janë të kënaqur me disa aspekte të seksualitetit të tyre – vunë në dukje studiuesit.

Me fjalë të tjera, përdorimi i pornografisë tek gratë shoqërohet me më shumë besim në shtrat.

Autorëve nuk u ka munguar ironia e zbulimit.

– Studimi ynë zbulon ironinë se pornografia, përndryshe një industri e dominuar nga meshkujt që synon një audiencë të dominuar nga meshkujt, lidhet me erozionin e cilësisë së jetës seksuale të burrave dhe përmirësimin e jetës seksuale të femrave – shkruajnë ata.

Hulumtimet e kaluara mbështesin gjetjet e këtij studimi.

Sipas një raporti të vitit 2017, pornografia mund ta bëjë më të vështirë performancën seksuale në jetën reale për meshkujt që mbështeten vazhdimisht tek ajo për kënaqësi. Duke shpjeguar pse kjo mund të ndodhë, Joseph Alukal, drejtor i shëndetit riprodhues mashkullor në Universitetin e Nju Jorkut, shpjegoi se meshkujt besojnë se duhet të jenë në gjendje të bëjnë atë që ndodh në këta filma dhe kur nuk munden, kjo u shkakton shumë zhgënjim, ankth.

Pse ndikimi i pornografisë tek gratë është kaq i ndryshëm?

Ndoshta kjo ndodh sepse, në vend që ta trajtojnë atë si një matës për sjelljen në shtrat, shumë gra përdorin pornografinë si një mënyrë për të eksploruar seksualitetin e tyre, diçka për të cilën mund të mos kenë vend brenda kufijve të një marrëdhënieje heteroseksuale që shpesh varet nga kënaqësia e burrit.

Për më tepër, kushtëzimi social mund t’i bëjë gratë të ndjehen të turpëruara për dëshirat e tyre seksuale, gjë që disi i pengon ato të diskutojnë hapur me bashkëmoshatarët e tyre apo edhe të eksperimentojnë me trupin e tyre.

Pornografia mund të ofrojë një dozë besimi – të cilën shumë do të dëshironin ta kishin njohur në vitet e tyre të adoleshencës.

– Është një mënyrë për të parë se çfarë të pëlqen dhe çfarë jo. Nëse diçka ju intrigon, mund ta provoni në jetën reale. Nëse nuk ju pëlqen diçka, do të dini të vendosni frenat përpara se të ndodhë. Mund të fillojë një rrugë të re që ju dhe partneri juaj dëshironi të eksploroni, por gjithashtu mund t’ju largojë nga një rrugë që nuk dëshironi të shkoni poshtë – thotë Aly Walansky, një shkrimtar nga Nju Jorku, i cili beson se vetëm duke parë pornografia ju bën më të sigurt në shtrat.

Samantha Blake, trajnere e jetës, shkroi se si pornografia ia hapi sytë për seksin.

– Për një kohë të gjatë mendoja se meshkujt duan të bëjnë të gjitha punët, se u pëlqen të jenë dominues dhe se roli i femrës në seks është të jetë ‘marrësi’, megjithatë mësova se në shumë raste kemi shumë për të bërë. Do të doja që dikush ta kishte thënë këtë shumë kohë më parë – thotë Blake, duke shtuar se në procesin e shikimit të skenave të ndryshme, ajo filloi të kuptojë se sa pak dinte për seksin, për marrëdhëniet, madje edhe sa pak dinte për trupin e saj.

Përdorimi i pornografisë për të ndikuar tek gratë ka një anë tjetër

Një studim i vitit 2019 zbuloi se rikujtimi i pornografisë ndërsa ishin intim me partnerët e tyre meshkuj i pengonte gratë të shijonin seksin – sepse i bënte të ndiheshin të pasigurta për mënyrën se si dukeshin.

Hulumtimet e mëvonshme kanë treguar gjithashtu se për shumë femra, shikimi i pornografisë mund të çojë në zhvillimin e problemeve të imazhit të trupit.

Turpi dhe ankthi për trupin e dikujt mund të shkaktojnë shkëputje gjatë marrëdhënieve seksuale – nëse jo shmangie të plotë të intimitetit fizik – duke çuar në uljen e kënaqësisë seksuale.

Por duke pasur parasysh se pornografia feministe është ende larg rrjedhës së zakonshme, është e rëndësishme që gjetjet e këtij studimi të merren me pak rezervë.

Pornografia, mund të përkthehet në besim, kënaqësi dhe të gjitha gjërat e tjera pozitive për jetën seksuale të një gruaje. Megjithatë, ‘pornografia e zakonshme’ mban erë seksizmi dhe mizogjinie, shpesh përmes një mbështetjeje të tepruar në seksin jo-konsensual, përveç idealizimit të një imazhi trupor jorealist me kthesa të theksuara, bark të skalitur në mënyrë perfekte dhe trupa super fleksibël.

Si e tillë, hedhja poshtë e ndikimit negativ të pornografisë në jetën seksuale të grave, thjesht sepse një numër i madh pjesëmarrësish besojnë se mund të rrisë vetëvlerësimin, mund të jetë një pamje mjaft njëdimensionale, pavarësisht nga shkalla e së vërtetës së ngulitur në të.

Një kufizim tjetër i studimit ishte se përfundimet bazoheshin në përvojat e individëve heteroseksualë. Dhe studiuesit e pranuan atë.

– Një paralajmërim i rëndësishëm është se studimi ynë u fokusua në efektin e pornografisë midis meshkujve dhe femrave heteroseksuale. Sidoqoftë, ekziston një nevojë kritike për të kryer më shumë studime dhe kërkime për të hetuar me të vërtetë efektet e pornografisë tek individët jo-heteroseksualë, shkruan ata.

Ndërkohë, një tjetër studim doli të ishte interesant – çiftet që shikonin pornografi së bashku një herë në javë raportuan një jetë seksuale shumë të kënaqshme. Pra, këto mund të jenë një ide e mirë për ata që aspirojnë të pasurojnë jetën e tyre seksuale me partnerin e tyre, transmeton Swaddle. /Telegrafi/