Popovska – Oer: Zgjedhjet mund të mbahen në tetor me përkrahje të bashkësisë ndërkombëtare

Kryetarja e RDM, Liljana Popovska, sot ka realizuar një takim zyrtar me ambasadoren franceze në Maqedoni, Lorens Oer. Në këtë takim është biseduar për krizën aktuale politike dhe zgjidhjet e mundshme, transmeton Telegrafi Maqedoni.

„Poposka e ka theksuar domosdoshmërinë për mbajtje të zgjedhjeve të drejta dhe demokratike me një listë të besueshme zgjedhore, për pastrimin e të cilës nevojitet përkrahje edhe nga bashkësia ndërkombëtare. Në rast të tillë zgjedhjet do të mund të mbaheshin në tetor, me se do të dilej nga kriza dhe do të mundësohej funksionimi normal i institucioneve. Është e papranueshme të shkohet në zgjedhje me një listë zgjedhore e cila në vend që të pastrohet, është plotësuar me 135.000 persona të ri.

Popovska e ka theksuar edhe domosdoshmërinë për koordinim dhe përfshirjen e partive tjera dhe organizatave qytetare në procesin e tejkalimit të krizës.

Në takim është biseduar edhe për përkushtimin e Francës për mbrojtjen e mjedisit jetësor dhe të zhvillimit të qëndrueshëm, duke dhënë përkrahje të fuqishme për shumë iniciativa të vendit tonë, thuhet në njoftimin e RDM./Telegrafi/