Policia e Kosovës ka njoftuar se ndërruar jetë këmbësori u goditur nga një veturë sonte rreth orës 20:45, në rrugën ‘Eliot Engell’ në Pejë.

Në aksidentin e sontëm me fatalitet, sipas Policisë, ishin të involvuar një automjet dhe një këmbësor (viktima).

“Viktima e aksidentit një person mashkull, i moshës rreth 70- vjeçar, i njëjti është dërguar në Spitalin Rajonal në Pejë, dhe nga mjeku kujdestar është konstatuar vdekja e viktimës”, thuhet në njoftimin e Policisë së Kosovës për Rajonin e Pejës, përcjell Telegrafi.

Vetura godet këmbësorin në Pejë (Foto) Vetura godet këmbësorin në Pejë (Foto)

Më tej në njoftim thuhet se ngasësi i veturës, personi i dyshuar F.N. i (lindur) 1998, është arrestuar dhe i njëjti me urdhër te prokurorit të shtetit dërgohet ne ndalim policor.

Në vendngjarje kanë dalë Njësitet relevante të Policisë së Kosovës dhe prokurori i shtetit.

“Hetuesit e Trafikut Rajonal për hetimin e aksidenteve janë duke u marrë me rast në koordinim të plotë me prokurorin e shtetit, dhe me urdhër të të njëjtit trupi i pajetë i viktimës dërgohet në Institutin e Mjekësisë Ligjore në Prishtinë për obduksion”, thuhet në njoftim. /Telegrafi/