Policia në rajonin e Mitrovicës shton masat në ofrimin e sigurisë në pishina, lumenj dhe liqene

Në kuadër të planit operativ “Sezoni veror” 2022, me qëllim të shtimit të masave të sigurisë në pishina, lumenj dhe liqene, vende këto të cilat paraqesin rrezik potencial për sigurinë e qytetarëve në veçanti të rinjve- fëmijëve, policia në rajonin e Mitrovicës së Jugut, në bashkëpunim me institucionet komunale ka filluar me aktivitete të shtuara me qëllim të parandalimit të këtyre rreziqeve.

Sipas njoftimit, angazhimet policore dhe të autoriteteve komunale po realizohen praktikisht në teren duke vlerësuar gjendjen  e pishinave, lumenjve dhe liqeneve.

“Në zonat ku janë vlerësuar që mund të paraqesin rrezik janë duke u vendosur/rivendosur shenja të lajmërimit të rreziqeve varësisht nga rreziqet e identifikuara. Gjithashtu pjesë e këtyre angazhimeve në vijim do të jenë edhe kontaktet me pronar të pishinave dhe sugjerimet që ata t’ i përmbahen manualeve të sigurisë përfshirë edhe prezencën e ekipeve të shpëtimit në pishina.

Tutje në njoftim, thuhet se ky angazhim do të vazhdoj gjatë tërë sezonit veror përfshirë edhe aktivitetet tjera dhe kontakte/takime me banorë  në afërsi të zonave të lumenjve/liqeneve si dhe me qytetarë që frekuentojnë këto vende. /Telegrafi/