Policia e ka arrestuar vrasësin e reperit Nipsey Hussle

Policia e Los Angelesit e ka arrestuar të dyshuarin për vrasësin e Nipsey Hussle, pas një kërkimi intensiv.

29-vjeçari Eric Holder është arrestuar nga policia pasditen e të hënës në Bellflower, rreth 32 kilometra larg vendit ku e kishte vrarë reperin ditën e diel.

Eric Holder, the suspected killer of Nipsey Hussle, has been arrested and is in police custody. Thank you to both our community for the heightened awareness/vigilance, and our partners at @LASDHQ. https://t.co/0zujy89Yfm

— LAPD HQ (@LAPDHQ) April 2, 2019

Autoritetet kanë bërë të ditur se e kanë arrestuar rreth orës 13:30 me kohën lokale (22:30 me orën tonë), ndërsa nuk kanë dhënë detaje të tjera.

Lexo po ashtu Identifikohet vrasësi i Nipsey Hussle, reperi u qëllua me gjashtë plumba në prani të vajzës së tij

Burime brenda policisë kanë thënë se reperi dhe vrasësi i tij janë njohur me njëri-tjetrin. Megjithatë, detaje të tjera nuk janë dhënë e as që është përmendur motivi duke theksuar se ka qenë “për çështje personale” dhe nuk është urdhëruar nga udhëheqësit e bandës.

Holder akuzohet se i është afruar Hussle në parkingun jashtë dyqanit të tij dhe është zënë me fjalë me të dhe dy persona të tjerë, pastaj ka nisur të largohej dhe përnjëherë është kthyer me armë në dorë.

Ai ka hapur zjarr duke shtënë mbi tre persona – duke e lënë reperin të vrarë dhe dy të tjerët të plagosur – dhe është larguar me një automjet që e priste, të cilin e drejtonte një femër e paidentifikuar. Vrasja brutale është xhiruar nga kamerat e sigurisë. /Telegrafi/