Pochettino mbetet zgjedhja e parë e Man Utd për të zëvendësuar Solskjaerin

Trajneri i Paris Saint-Germain, Mauricio Pochettino, mbetet zgjedhja e parë e Manchester Unitedit për të marrë drejtimin e ekipit nga Ole Gunnar Solskjaer.

Trajneri norvegjez është në ditët e fundit si trajner i Djajve të Kuq, pas një fillimi jo të mirë të sezonit.

Mediat britanike raportojnë se rezultatet e dobëta kundër Tottenham Hotspur, Atalanta apo Manchester Cityt në tre ndeshjet e ardhshme do të vulosnin fatin e tij.

Lexo po ashtu Antonio Conte i hapur për të marrë drejtimin e Manchester United - por italiani ka ende disa rezerva

Ish-trajneri i Chelseat dhe Interit , Antonio Conte është i hapur për t’u bashkuar me Unitedin, por hierarkia e klubit është skeptike për emërimin e italianit.

Sipas mediumit Daily Star, zgjedhja e parë e Unitedit është Pochettino, pasi ai është dikush që trajneri legjendar Sir Alex Ferguson e admiron shumë.

PSG's Pochettino is #MUFC No1 choice and still admired by Sir Alex Fergusonhttps://t.co/kCpKef4XLL

— Daily Star Sport (@DailyStar_Sport) October 27, 2021

Pochettino është nën presion për të mbajtur punën e tij në PSG, me formacionin e tij të mbushur me yje që nuk arriti të dominojë javët e para të sezonit.

Argjentinasi ishte i lidhur për një kohë të gjatë me United kur ai ishte trajner i Tottenham. /Telegrafi/