Po vjen lansimi i video-lojës Overwatch 2 ‘beta’

Beta për Overwatch 2 pritet të publikohet në fund të muajit prill, ka konfirmuar kompania e video-lojërave Blizzard, pas muajsh vonese dhe spekulimesh.

Loja Overwatch për herë të parë është publikuar në vitin 2016, e zhvilluar dhe e publikuar nga Blizzard Entertainment.

Overwatch është një lojë në ekip, që luhet përgjithësisht si gjuajtëse në vetën e parë (first person shooter). Loja përmban disa mënyra të ndryshme të lojës, të dizajnuara kryesisht rreth luftimeve të bazuara në skuadër me dy ekipe kundërshtare me nga gjashtë lojtarë secila.

Publikimi i ri i fazës testuese të lojës së re Overwatch 2, pritet të vijë në fund të prillit dhe siç duket do të përdoret edhe në turneun profesional Overwatch League 2022, i cili do të fillojë pas datës së lansimit të Overwatch 2 ‘beta’.

#Overwatch2 PVP Beta is coming soon.

🎮 OW2 PVP Beta begins late April
🍁 New heroes, maps, and modes
✋ Beta Sign Up https://t.co/jC3gYjfdBc
💯 It's been 0 days since the last Overwatch 2 update pic.twitter.com/OFg0DAqJQR

— Overwatch (@PlayOverwatch) March 10, 2022

Video-loja e re e Overwatch siç duket do të ketë ndryshime te “heronjtë”, si “Sombra, Doomfist, Orisa dhe Bastion” dhe gjithashtu do të ketë një “hero” krejt të ri dhe mapa të reja. Ndërkaq, video-loja siç duket do të ndryshojë, duke dalluar nga loja Overwatch e parë, ekipet do të përbëhen nga pesë lojtarë.

Pra, ndeshjet në lojë do të zhvillohen pesë kundër pesë, nga gjashtë kundër gjashtë sa ishte në lojën e kaluar.

Drejtori i lojës, Aaron Keller, ka zbuluar se shumë shpejt punonjësit dhe partnerët kryesorë të Blizzard, duke përfshirë profesionistët e ligës të Overwatch, do të kenë qasje në një ndërtim të mbyllur Alfa të Overwatch 2. /Telegrafi/