Po shkëlqen në Euro 2024 – Williams ‘shkatërroi’ Di Lorenzon e Italisë

Spanja mundi Italinë me rezultat 1-0 në derbin e turit të dytë të Grupit B, ku siguroi vendin e parë në grup dhe kalimin në 1/16.

Në minutën e 55-të, Nico Williams depërtoi dhe harkoi, Alvaro Morata gjuajti dhe nuk shënoi, por topi u godit nga Riccardo Calafiori dhe shkoi në rrjetë.

Gjatë gjithë 90 minutave shikuam dominimin absolut të La Royas dhe është një mrekulli e vërtetë që Italia kaloi me vetëm një gol në rrjetë. Spanjollët humbën një numër të madh rastesh në këtë ndeshje dhe raporti i gjuajtjeve ishte 21-3 në favor të tyre. Në xhiron e fundit të hënën në orën 21:00, Spanja do të luajë me Shqipërinë.

Nico Williams, 21 vjeçar, ka luajtur aq mirë dhe ka qenë mbresëlënës në krahun e majtë në dy ndeshjet e para. Giovanni Di Lorenzo thjesht nuk kishte asnjë zgjidhje se si ta mbante yllin e ri të Athletic Bilbaos, gjë që u apostrofua në mediat italiane.

Zëvendësredaktori i Gazzetta dello Sport, Stefano Agresti, e shpjegoi më së miri paraqitjen e spanjolli.

“Spalletti mbetet një trajner i shkëlqyer, por disa nga vendimet e tij ishin krejtësisht të gabuara. Duke filluar nga vendimi për të startuar Di Lorenzo kundër Nico Williams dhe më pas vendimi për ta mbajtur atë në fushë për kaq gjatë. Formacioni startues ishte me të meta dhe zëvendësimet e para ishin po aq jo bindëse pasi Di Lorenzo qëndroi në fushë . Spanja e shkatërroi Italinë në atë krah në pjesën e parë”, deklaroi Agresti.

Williams mund të kishte shënuar golin e dytë të ndeshjes, por gjuajtja e tij fantastike pas një driblime të bukur u ndal nga shtylla.

Sigurisht që Williams u zgjodh lojtari i ndeshjes dhe që të nesërmen e kontaktuan dy gjigantë anglezë që do të donin ta sillnin këtë verë.

Nico Williams vs Italy. pic.twitter.com/ILf291LDjq

— 𝙁🇵🇹🇹🇷 (@fuadyabz23) June 20, 2024

Ai po kërkohet nga klube si Arsenal, Chelsea  dhe Barcelona. /Telegrafi/