Plani i Federatës Argjentinase: Messi kthehet te kombëtarja në ndeshjen ndaj Venezuelës në Camp Nou

Lionel Messi mund të vesh përsëri fanellën e Argjentinës dhe të shënojë kthimin e tij në detyrën ndërkombëtare në Camp Nou, ku ai dhe shokët e tij të kombëtares do të përballen me Venezuelën më 22 ose 26 mars.

Guillermo Tofoni është agjenti përgjegjës i ndeshjeve të FIFA-s dhe aktualisht po përpiqet të organizojë miqësoren mes Argjentinës dhe Venezuelës.

Ky agjent dëshiron që kjo ndeshje të mbahet në stadiumin e Barcelonës, ndonëse ka edhe sugjerime se mund të luhet në Wanda Metropolitano të Atletico Madridit.

Lexo po ashtu Të gjitha rekordet që Messi mund të thyejë në vitin 2019

Edhe pse Messi kishte planifikuar të kthehej për ndeshjet e Copa Americas, loja që do të mbahet në Barcelonë mund ta shohë atë të kthehet para verës me ekipin kombëtar.

Numri 10 i Argjentinës luajti ndeshjen e fundit për vendin e tij më 30 qershor 2018.

Kjo ishte ndeshja ku u eliminuan nga Kampionati Botëror pas një disfate 4-3 ndaj Francës, ku më pas vendosi të merrte një pushim me kombëtaren.

Lexo po ashtu Golashënuesit më të mirë të vitit 2018 - Messi i pari, Ronaldo e Lewandowski pas tij

Nëse gjërat qëndrojnë kështu, skuadra e Lionel Scalonit ka një përforcim të konfirmuar para se të fillojë Copa America dhe Camp Nou mund të jetë stadiumi i përsosur për Messin që të kthehet në ekip.

Megjithatë, ende nuk ka asgjë zyrtare dhe rikthimi i Messit po pritet me shumë entuziazëm nga tifozët argjentinas. /Telegrafi/