Piloti theu rekordin e fluturimit më të gjatë me aeroplan brenda një tuneli – pamjet spektakolare vijnë nga Stambolli

Një guximtar është bërë personi i parë që fluturon me një aeroplan përmes një tuneli rrugor – dy herë.

Sipas mediave të huaja, përcjell Telegrafi, Dario Costa vendosi një Rekord të ri Botëror Guinness kur drejtoi një aeroplan të vogël përmes një sërë tunelesh të ngushta në Turqi.

Ai madje lëvizi fluturaken me një shpejtësi prej më shumë se 245 kilometra në orë ndërsa “shpërtheu” në tunel, duke siguruar vendin e tij në historinë e aviacionit.

Duke mos qenë i kënaqur me thyerjen e një rekordi, aviatori 41-vjeçar zgjodhi një tunel të ndarë në dy pjesë.

Arritja e tij e dyfishtë thuhet se u shënua në tunelet Çatalca në Autostradën Veriore Marmara të Turqisë.

Costa zbuloi se kishte ëndërruar për këtë gjë për disa vjet para se ta provonte përfundimisht.

Ai tha: “Unë kurrë nuk kam fluturuar në një tunel në jetën time – askush nuk e kishte bërë atë – kështu që kishte një pikëpyetje të madhe në kokën time nëse gjithçka do të shkonte ashtu siç e prisnim”.

Costa duhej ta mbante aeroplanin të qëndronte pezull mbi rrugë për t’u siguruar që ai nuk i rrëzonte muret prej betoni dhe nuk u përplas me një vdekje pothuajse të sigurt.

Pjesa më e rrezikshme erdhi kur ai doli për pak kohë në hapësirën e hapur midis tuneleve dhe avioni i tij u godit nga erërat e kundërta.

Me këtë ai vendosi të paktën pesë rekorde, me pilotin gjithashtu i pari që u ngrit brenda një tuneli dhe fluturimet më të gjata dhe më të shpejta në një tunel.

Një ekip prej 40 personash ndihmës u përfshi në fluturim, i cili përshkoi 2.26km në më pak se 44 sekonda. /Telegrafi/