Piatek arrin marrëveshje personale me Milanin?

Krzysztof Piatek thuhet se ka rënë dakord me Milanin për një marrëveshje personale, ndërsa tani duhet të arrijë një marrëveshje me Genoan.

Sipas mediumit italian Gazzetta dello Sport, Piatek është gati të vendosë lapsin mbi letër për një kontratë pesëvjeçare me Milanin, pavarësisht interesimit të vonuar nga West Ham United.

Në rast se nënshkruhet marrëveshja, polaku do të fitonte 35 mijë në javë deri në fund të këtij sezoni dhe pastaj 40 mijë nga sezonet e ardhshme duke përfshirë edhe bonuse të rëndësishme.

Lexo po ashtu Milani insiston për Piatekun

Gazeta italiane shpjegon se gjithçka që mbetet është që Rossonerët të dalin dhe të arrinjë një marrëveshje me klubin Genoa.

Kuqezinjtë e kanë kuptuar se sulmuesi polak vlerësohet 40 milionë euro dhe kanë përgatitur një huazim me opsion blerje mbi këtë bazë.

Megjithatë, La Gazzetta paralajmëron se Genoa po kërkon siguri se ata do të shpërblehen, kështu që Milani mund ta huazojë atë për 10 milionë euro dhe të jap pastaj 30 milionë të mbeturat në përputhje me përmbushjen e objektivave sportive.

Lexo po ashtu Piatek dëshiron kalimin te Milani?

Për më tepër, lëvizja e tij do të ndodhë vetëm nëse Chelsea do të transferojë Gonzalo Higuainin dhe do të lejojë Alvaro Morata të bashkohet me Atletico Madridi, të cilit do të lironin Nikolla Kalinicin në Monaco.

Kështu, gjatë ditëve të radhës pritet të ketë një domino sulmuesish në skuadrat e njohura evropiane. /Telegrafi/