Petrit Halilaj vjen me ‘Lule Mosmëharro’ edhe në Prishtinë, mirëpritet nga Ministri Çeku

Ministrai e Kulturës, Rinisë dhe Sportit, ka mirëpritur sot (e martë) në takim artistin e njohur, Petrit Halilaj.

Ky i fundit ka bërë prezantimin e instalacionit të famshëm “Lule Mosmëharro 2020 -2021”, që do të ekspozohet në Bibliotekën Kombëtare të Kosovës.

MKRS në një njoftim të bërë në rrjetin social Facebook, ka dhënë disa detaje shtesë mbi takimin e sotëm.

Ky është postimi i tyre i plotë (pa ndërhyrje):

“Sot në Ministrinë e Kulturës, Rinisë dhe Sportit patëm nderin të presim një prej artistëve më të mëdhenj bashkëkohor shqiptar,
z. Petrit Halilaj.

Arsyeja e ardhjes së tij në Kosovë është prezantimi i instalacionit të famshëm “Lule Mosmëharro 2020 -2021” nga z. Petrit Halilaj dhe z. Alvaro Urbano e cila do të hapet nesër në Bibliotekën Kombëtare të Kosovës, në kuadër të Austrada Bienale.

Ky instalacion do të jetë i hapur për publikun nga data 1 korrik deri më 11 shtator të këtij viti.

Petrit Halilaj është një prej artistëve që me punën e tij ka arritur suksese dhe është prezantuar në galeritë dhe vendet më të njohura të botës në fushën e artit. Ai punon mes Gjermanisë, Kosovës dhe Italisë ndërsa puna e tij është e bazuar në dokumente, narativa dhe kujtime të lidhura me historinë e Kosovës.

Në këtë takim ishin të pranishëm edhe Vatra Abrashi, Leutrim Fishekqiu, Alvaro Urbano,Övül Ö. Durmusogl, Joanna Warsza dhe këshilltari i ministrit, Liburn Jupolli”. /Telegrafi/