Pesë ushtrime joge kundër ankthit dhe për rregullim të sulmit të panikut: Qetësojnë sistemin nervor, por mund t’i bëni kudo që të ndodheni

Aktualisht jemi në kohët në të cilat rutina jonë është prishur, shumica e planeve tona nuk mund të realizohet, lajme negative ka gjithandej, ndërkaq frika e rritur është emocioni i cili po dominon në nivelin global për shkak të pandemisë së coronavirusit

Si të pengoni dhe të liroheni nga ankthi?

E para, nëse shpesh jeni në ankth, kaloni nëpër simptoma të pakëndshme të sulmit të panikut dhe jeni të ekspozuar ndaj frikës, është me rëndësi të bisedoni me ekspertin i cili do t’ju caktojë terapinë në harmoni me situatën tuaj, transmeton Telegrafi.

Gjithashtu, ekzistojnë edhe mënyra të ndryshme natyrale që të pengoni ankthin dhe të zvogëloni frikën dhe simptomat e pakëndshme të sulmit të panikut, pra njëra ndër kryesoret është praktikimi i jogës.

Këto asana mund t’i bëni edhe në shtëpi, në natyrë, në park, nuk keni nevojë për kurrfarë rekuizitash shtesë, pos vullnetit të mirë.

1. Pozicioni i fëmijës (Balasana)

Pozicioni i fëmijës zakonisht është e njohur si asanë e pushimit në joga. Shumica e njerëzve e përdorin për qetësim dhe rigrupim midis asanave sfiduese. Trupi do të ndihet më këndshëm në këtë pozicion. 2.

Pozicioni i drurit (Vrikshasana)

Ky pozicion përmirëson ekuilibrin, përqendrimin, fokusimin dhe vetëdijen. Qëllimi i kësaj asane është që t’i riorientojë mendimet tuaja nga ankthi në ekzistencën tuaj fizike.

3. Luftëtari III (Virabhadrasana III)

Nëse keni ekuilibër mjaftueshëm të zhvilluar të qëndroni në një këmbë dhe dëshironi pozicionin i cili do t’ju bëjë të fortë, atëherë pozita e luftëtarit është asanë e përsosur për ju. Kjo forcë nxit forcën e brendshme, përmirëson koordinimin, ekuilibrin dhe qëndrimin.

4. Qëndrimi në kokë (Sirsasana)

Qëndrimi në kokë nxit qarkullimin e gjakut në trupin tuaj, gjë që ju ndihmon që kujdesin ta fokusoni më shumë në frymëmarrjen tuaj, jo në ankth dhe frikë. Duke e përqendruar vetëdijen tuaj në vendin e trupit tuaj në hapësirë, bëheni më të qetë.

5. Këmbët e ngritura në mur (Viparita Karani)

Pozicioni me këmbët e ngritura në mur është i shkëlqyeshëm për zbutjen e dhembjeve në pjesën e poshtme të shpinës dhe zbutjen e simptomave të ankthit.

/Telegrafi/