Mauricio Pochettino ka qenë në Chelsea për vetëm pak më shumë se një muaj, por tifozët janë me plot optimizëm para sezonit 2023/24.
Më poshtë janë renditur pesë gjërat kryesore që trajneri argjentinas ka arritur tashmë t'i bëjë në skuadrën londineze.
Eksodi në skuadër
Pochettino mori përsipër një skuadër të stërmbushur dhe detyra e tij ishte që t'i largonte disa futbollistë. Pasuan një mori largimesh – me disa ende që pritet të ndodhin, ndërsa argjentinasi kërkon të sigurojë numrin e tij të preferuar të skuadrës prej rreth 25 lojtarësh.
Tre lojtarë të Chelseat që i lanë përshtypje Mauricio Pochettinos në para-sezon, dy që kanë dështuar
Transferimet e reja po dëshmohen
Christopher Nkunku, Nicholas Jackson dhe Andrey Santos janë vetëm disa lojtarë që kanë bërë debutimin e tyre te Chelsea nën drejtimin e Pochettino këtë verë. Një rindërtim në Stamford Bridge është duke u zhvilluar me Pochettino duke bërë të gjitha lëvizjet e duhura deri më tani.
Ndryshimet e sistemit
Pochettino duket se është vendosur në sistemin 4-2-3-1 dhe pritet që kjo skemë të përdoret edhe në ndeshjet e Ligës Premier, sidomos në ndeshjen hapëse kundër Liverpoolit në shtëpi të dielën, 13 gusht.
Përmirësimi i fitnesit
Një regjim tepër i rreptë stërvitor është zbatuar nga argjentinasi në Chelsea këtë verë dhe nuk ka asnjë justifikim për lojtarët që të mos jenë në maksimumin e tyre kur edicioni i ri të fillojë më vonë këtë muaj.
Rikthimi i besimit
Ndjenja e emocionit dhe optimizmit më në fund është rikthyer te Chelsea pas sezonit tronditës 2023/24. Të gjithë në klub janë të mbushur me vetëbesim për në sezonin e ri. /Telegrafi/
