Përveç Lenjanit dhe Kasamit, Sioni ka larguar edhe Alex Song dhe Djourou shkaku i krizës së coronavirusit

Klubi i njohur zviceran, Sion ka larguar nga skuadra plot nëntë lojtarë, ku në mesin e tyre ka edhe yje të njohur të futbollit.

Gjatë ditës së djeshme (e enjte) u raportua se klubi zviceran ka marr disa vendime drastike për të ardhmen.

Drejtuesit e Sionit kanë këshilluar lojtarët të pranojnë zvogëlim të pagave, me maksimumin që do të mbërrinte rreth 13 mijë euro në muaj.

Megjithatë, shumica nga lojtarët nuk kanë pranuar këtë vendim të drejtuesve, të cilët më vonë kanë vendosur t’i largojnë atë me prishje të njëanshme të kontratave.

Lexo po ashtu Gjiganti zviceran pranë falimentimit nga coronavirus, liron nga kontrata nëntë futbollistë – e pësojnë edhe dy shqiptarët

Në mesin e nëntë lojtarëve të larguar njëanshëm nga Sioni ishin edhe dyshja shqiptare, Ermir Lenjani dhe Pajtim Kasami.

Por, bujë të madhe më këtë vendim të klubit zviceran ka marrë edhe largimi i dy emrave të njohur të futbollit botëror.

Bëhet fjalë për dy ish-futbollistët e Arsenalit, Johan Djourou dhe Alex Song, i cili në të kaluarën ka luajtur edhe te Barcelona.

Me këtë vendim të arbitrar të klubit nuk është pajtuar Shoqata e Futbollistëve Zviceran, të cilët e kanë protestuar vendimin dhe kanë thënë se do ta ndjekin anën ligjore. /Telegrafi/