Personazhe të famshme e qytetarë të shumtë në përkrahje të Adriana Matoshit, marrin pjesë në eventin në nder të aktores

Aktorja dhe deputetja e Kuvendit të Kosovës, Adriana Matoshi, dje (e hënë) rrëfeu se i është rikthyer sërish tumori në tru pas nëntë vitesh.

Për t’u solidarizuar me sfidën dhe diagnozën e saj, u organizua një event në Facebook në të cilin u ftuan të gjithë për të ecur në nder të Matoshit.

Ecja fillonte nga ora 12:00 duke u nisur nga Sheshi Zahir Pajaziti deri te Teatri Kombëtar në Prishtinë.

“Në nder të aktores së mirënjohur dhe shumë të dashur për gjithë publikun shqipëfoles, Adriana Matoshi e cila përsëri u diagnostifikua me tumor në tru, organizohet ecja nga Sheshi Zahir Pajaziti deri te Teatri Kombëtar në Prishtinë”.

Lexo po ashtu Në nder të aktores Adriana Matoshi nesër organizohet ecja nga Sheshi Zahir Pajaziti deri te Teatri Kombëtar në Prishtinë

“Duam që me anë të kësaj ecje, të solidarizohemi me sfidën e Adrianës, për të cilën lutemi të gjithë që ta fitoj si çdo peripeci që e ka kaluar në jetë”, shkruhet më tej në njoftim.

Kësaj kauze duket se i është bashkangjitur një numër i madh i kolegëve të saj, miq e po ashtu edhe qytetarë të shumtë.

Në mesin e tyre edhe këngëtarja Dafina Zeqiri, ndërsa publikoi një imazh në InstaStory me maskë të zezë në të cilën shkruhej, “Të duam Adriana”. /Telegrafi/