Përfundoi turneu më i madh i CS:GO në Brazil

Turneu më prestigjioz IEM Rio Major ka përfunduar pas finales së shumë pritur ndërmjet Outsiders dhe Heroic.

Outsiders arritën që të fitojnë turneun IEM Rio Major në Rio de Janeiro të Brazilit, pas triumfit 2-0 me mapa ndaj ekipit Heroic.

IEM Rio Major, turneu i cili bashkon skuadrat më të mira të botës tani ka një kampion të ri, Outsiders, të cilët fituan çmimin prej 500.000 dollarësh.

THEY HAVE DONE IT.

OUTSIDERS ARE YOUR #IEM RIO MAJOR CHAMPIONS! pic.twitter.com/GxsyAK6kSi

— ESL Counter-Strike (@ESLCS) November 13, 2022

Ekipi i vendit të dytë fitoi çmimin prej 170.0000 dollarësh, si dhe nga 80.000 dollarësh shkuan për vendin e tretë dhe të katërt, e shpërblimet nuk munguan as për ekipet tjera pjesëmarrëse.

Vlera e shpërblimeve të cilat u shpërndan në turneun IEM Rio Major arrin vlerën 1.2 milion dollarë.

Pjesë e këtij turneu ishte edhe ekipi shqiptar Bad News Eagles të cilët përfunduan garën në vendin e 12-14, duke fituar çmimin prej 20.000 dollarësh.

Lojtari më i vlefshëm i turneut apo ndryshe thënë MVP, u zgjodh kapiteni i ekipit Outsiders, Dzhami “Jame” Ali.

Formacioni i ekipit fitues Outsiders:

Evgenii ‘FL1T‘ Lebedev

Petr ‘fame‘ Bolyshev

Dzhami ‘Jame‘ Ali

David ‘n0rb3r7‘ Danielyan

Alexey ‘Qikert‘ Golubev

/Telegrafi/