Pas tri orë testim, rreth 26 mijë 669 maturantë në vend kanë përfunduar testin e maturës. Derisa mbarëvajtja e procesit thuhet se ka qenë e menaxhuar mirë dhe se janë evidentuar vetëm disa parregullsi të vogla.
Shefi i Divizionit për Vlerësim në MASh, Fatmir Elezi, thotë se përveç në Podujevë dhe Mitrovicë që ka pasur vonesa në fillim të testit, në komunat tjera ka filluar dhe mbaruar me kohë.
Elezi theksoi, se në përgjithësi mbajtja e provimit të maturës, ka përfunduar me sukses.
“Në ora 10 është dashur të fillojë testi në të gjitha qendrat e testimit, me disa përjashtime në Podujevë ka pasur vonesë të administruesve, në Mitrovicë ka qenë gabim në paketim dhe ka pasur vonesa të fillimit të testit, në të gjitha komunat tjera testi ka filluar me kohë dhe ka përfunduar me kohë. Në Mitrovicë testi është zgjatur edhe për një orë ngase ka filluar me vonesë”, thotë Elezi.
Elezi për KosovaPress, ka theksuar se nxënësit të cilët kanë tentuar të manipulojnë me telefon gjatë procesit të testimit, janë përjashtuar.
“Ka pasur disa nxënës që kanë përdorur telefona, janë përjashtuar prej testit…Edhe këtë vit e kemi parë që ka pasur disa postime në rrjetet sociale, mirëpo shumë më pak se sa herëve të kaluara, por ka individ që janë future në këto rrjete edhe jashtë qendrave të testimit, nuk kanë qenë nxënës, mirëpo vetë është rritur numri. Nxënësi që është nxën me telefon në qendrat e testimi është përjashtuar nga testi”, thotë ai.
Se procesi i testimit nuk ka pasur ndonjë parregullsi të madhe, e thonë edhe maturantët e Gjimnazit “Xhevdet Doda”, sipas tyre testi dhe e tërë procedura ka qenë korrekte.
Maturantja Jona Saliuka, thotë për KosovaPress se nuk ka hasur në asnjë pyetje të formuluar gabim dhe se gjithçka ka qen në rregull.
Saliuka, ka theksuar se pyetjet më shumë kanë qen të përpiluara nga ato që i kanë mësuar gjate tri viteve, derisa nuk e mohoi se kishte edhe nga ato që kanë mësuar “online”.
“Mendoj që testi ka qenë shumë korrektë, qysh duhet me qen…Nuk ka pasur asnjë pyetje që është formuluar gabim dhe gjithçka ka qenë në rregull…Më shumë ka pas pyetje që i kemi mësuar gjatë tri viteve pra gjeneralizim i tyre ka qenë se sa ato që i kemi mësuar “online” në këtë periudhën e fundit”, thotë Saliuka.
Se procedura e testimit nuk ka pasur parregullsi, e thotë edhe Enik Limani, sipas të cilit mundësia e manipulimeve ka qenë e vogël.
“Në test mirë kemi kaluar, nuk kom pas as stres, nuk kom vërejt parregullsi, nuk na kanë lënë me kopju…Nuk ka pasur pyetje prej atyre “online”, veç çka kemi mësuar në shkollë”, thotë Limani.
Të njëjtin mendim ndan edhe Fisnik Hajrullahu.
“Perfekt, gjithçka ka qenë në rregull, kopjime nuk ka pasur dhe gjithçka ka shkuar sipas planit”, thotë Hajrullahu.
Kurse maturanti, Ledion Latifi, vlerëson se testi në përgjithësi ka qen i formuluar mirë, vetëm se sipas tij organizimi nuk ka qen në nivel të duhur.
“Testi në përgjithësi ka qen i formuluar mirë ka pas një gabim ose dy. Problemi kryesorë që është paraqit gjatë testit është veç fakti që është organizuar keq…Një pjesë e madhe e pyetjeve janë jashtë asaj normës që i kemi mësuar ne”, thotë Latifi.
Komisioni Shtetëror i Maturës e ka vlerësuar të suksesshëm mbajtjen e Provimit të Maturës Shtetërore 2020. Sipas KShM, raportet e para nga komunat, respektivisht nga të 184 qendrat ku është organizuar Testi, tregojnë se gjithçka ka shkuar sipas planifikimit të mbajtjes së testit në rrethana pandemie.
Kujtojmë se rezultatet e testit të maturës, do të publikohen me 7 shtator në të gjitha shkollat.
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti: Anëtarësimi në KiE, hapi i parë drejt bashkimit me familjen evropiane
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Inspektorati i Prishtinës në aksion, shqipton gjoba e konfiskon targa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre