Përfaqësuesi i Lartë i BE-së në largim Josep Borrell viziton Letoninë

Përfaqësuesi i Lartë në largim i Bashkimit Evropian për Punët e Jashtme dhe Politikën e Sigurisë, Josep Borrell, ka qenë në një vizitë zyrtare në Letoni, në atë që do të jetë një nga udhëtimet e tij të fundit të punës në detyrën e tij.

Bëhet e ditur se Borrell u takua me Ministren e Punëve të Jashtme, Baiba Braze dhe Ministrin e Mbrojtjes, Andris Spruds, për të diskutuar sigurinë rajonale dhe ndikimin e luftës së Rusisë kundër Ukrainës.

Borrell diskutoi edhe rëndësinë e qëndrimit të bashkuar përballë agresionit rus dhe theksoi nevojën për mbështetje ‘më të madhe dhe më të shpejtë’ për Ukrainën.

Ai tha gjithashtu se BE ka një përgjegjësi strategjike për të punuar së bashku dhe për të rritur gatishmërinë mbrojtëse, shkruan euronews, përcjell Telegrafi.

Ministrja letoneze e Punëve të Jashtme e falënderoi Borrell për mbështetjen e palëkundur ndaj Ukrainës dhe përpjekjet e tij drejt paqes dhe stabilitetit në fqinjësinë e Evropës dhe më gjerë.

Warmly welcomed in Riga by @Braze_baiba.
Ahead of Monday’s #FAC, stressed the need for more & quicker support to Ukraine & tackling sanctions’ circumvention.
Highly appreciate Latvia’s firm stance & visible assistance.

Discussed also the challenging situation in the Middle East. pic.twitter.com/i1eHu30qK6

— Josep Borrell Fontelles (@JosepBorrellF) July 20, 2024

Ajo gjithashtu e informoi përfaqësuesin evropian për udhëtimin e saj në kufirin lindor të Letonisë, BE-së dhe NATO-s, ku vizitoi pikat doganore dhe të kontrollit kufitar në rrugën drejt Rusisë – Terehova – dhe Bjellorusisë – Paternieki.

Ministrja nënvizoi punën e palodhur të Letonisë dhe autoriteteve të saj për zbatimin e sanksioneve dhe parandalimin e anashkalimit të tyre nëpërmjet kontrollit efektiv në kufirin e jashtëm të BE-së dhe NATO-s.

New shipment of vehicles and equipment from 🇨🇦Canada for the Multinational Brigade 🇱🇻Latvia has reached Ādaži military base!
Canada’s staunch support for @NATOMNBLatvia and @TaskForceLatvia is proof of the integrity and solidarity of @NATO and the Alliance’s determination to… pic.twitter.com/7Qw9agGF33

— Andris Spruds (@AndrisSpruds) July 15, 2024

Ndryshe, Borrell bëri një turne në bazën ushtarake të Kampit Adazi ku takoi oficerët komandues të grupit të betejës shumëkombëshe të NATO-s dhe ushtarë nga kontingjenti spanjoll.

Udhëtimi i tij në Letoni pason një vizitë të ngjashme në Estoni, ku ai u takua me kryeministren e përkohshme Kaja Kallas.

Kaja Kallas është pasardhësja e Borrellit në rolin e Përfaqësuesit të Lartë të BE-së për Politikën e Jashtme dhe Sigurinë. /Telegrafi/