Perez: Zidane mund të qëndroj te Reali deri në fund të jetës

Florentino Perez ka folur rreth të ardhmes së trajnerit të Real Madridit, Zinedine Zidane.

Real Madrid fitoi mbrëmë (e shtunë) Ligën e Kampionëve, pasi mposhti Juventusin në finalen e Cardiffit me rezultat të thellë 4-1.

Lexo po ashtu Zidane: Gëzim i jashtëzakonshëm, jam shumë i lumtur

Kjo fitore bëri që Mbretërit të hyn në histori të futbollit si skuadra e parë që fiton dy herë radhazi trofeun në formatin e ri të kësaj gare.

Një pjesë të madhe të meritave padyshim që e ka edhe trajneri francez Zidane, i cili erdhi vetëm vitin e kaluar në krye të klubit, dhe arriti të fitoj pesë tituj në më pak se dy vite.

Mirënjohës ndaj tij është shprehur edhe presidenti i klubit Perez, që i ka dhënë dritën e gjelbër francezit të qëndroj te Reali deri në fund të jetës.

Lexo po ashtu Trofetë e Zidane si trajner i Realit, thjesht gjigant me pesë kupa në më pak se dy vite (Foto)

“Tani si një trajner Zidane po bën punë të shkëlqyeshme dhe e falënderojmë atë”, ka thënë fillimisht Perez pas ndeshjes.

“Zidane mund të qëndrojë në Real Madrid edhe për pjesën tjetër të jetës së tij”.

“Çdo tifoz i Real Madridit është shumë mirënjohës ndaj tij”, përfundoi presidenti legjendar i Realit. /Telegrafi/