Përdorim masiv i duhanit në objektet e mbyllura në Maqedoni

Gjatë sezonit veror duhanpirësit në pjesën më të madhe frekuentonin ambientet të hapura të lokaleve. Tani kur temperaturat kanë filluar të zbresin dhe qytetarët frekuentojnë ambientet e mbyllura për të konsumuar kafe apo diçka tjetër, askush nuk i ndalon duhanpirësit që kafen ta shoqërojnë me cigare. Dukuria është masive edhe pse me Ligj janë përcaktuar qartë vendet ku në lokalet mund të përdoret duhani

Pothuajse në të gjithë objektet të mbyllura në Dibër konsumohet duhani. Lokalet gjithmonë kanë duhanpirës edhe pse disa klientë ankohen nga tymi i madh që mbizotëron nëpër kafenetë nga pirja e duhanit. Ligji është i saktë dhe si i tillë thotë se në ambientet e mbyllura është i ndalur përdorimi i duhanit. Nga ana tjetër inspektorët në këtë sferë thonë se ka patur raste kur kanë dënuar dhe shtojnë se nuk mund të kontrollojnë objektet 24 orë. Gjatë sezonit veror duhanpirësit në pjesën më të madhe frekuentonin ambientet të hapura të lokaleve. Tani kur temperaturat kanë filluar të zbresin dhe qytetarët frekuentojnë ambientet e mbyllura për të konsumuar kafe apo diçka tjetër, askush nuk i ndalon duhanpirësit që kafen ta shoqërojnë me cigare. Dukuria është masive edhe pse me Ligj janë përcaktuar qartë vendet ku në lokalet mund të përdoret duhani.

Në lidhje me këtë mos respektim të ligjit biseduam edhe me përfaqësues të inspektorëve të kësaj sfere. Inspektori shtetëror i tregut Nermin Kadriu për gazetën KOHA tregon se inspektorët dhe policia deri tani kanë ndërmarrë disa aktivitete, por edhe ka pasur gjoba. Ai nuk precizon numrin e gjobave por thotë se gjithmonë kur janë bë kontrolle këtë sezon në ambientet e mbyllura atje ku ka patur probleme dhe nuk është respektuar ligji, janë ndërmarrë masat e parapara me ligj.

“Por, inspektorët dhe organet e tjera nuk mund të kontrollojnë 24 orë situatën nëpër lokale”, Kardiu. Sipas tij, janë dënuar në të kaluarën edhe pronarët e objekteve shërbyese por edhe klientë të cilët kanë përdorur duhan. Por, klientë te shumtë që frekuentojnë ambientet të lokaleve të mbyllura nuk thonë ashtu.

Ata potencojnë se pothuajse në të gjithë lokalet në Dibër konsumohet duhani. Duhani konsumohet edhe atje ku shërbehen ushqime dhe jo vetëm pije. Të theksojmë se kjo ndodhë edhe nëpër ëmbëltoret e Dibrës. Dukuria e përdorimit të duhanit në lokalet e mbyllura sidomos ka marrë përmasa të gjëra pas pandemisë. Problemi kryesor është që në sezonin në të cilin ndodhemi për shkak të temperaturave të ulëta, klientët vijnë dhe hanë jo në tavernat por në ambientet e mbyllura. Revolti sidomos është i madh nga dibranët të cilët nuk përdorin duhan por. Afrim. Sh. është 52 vjeçar dhe thotë se në Dibër as nga së afërmi nuk respektohet ligji për duhanpirje. “Nuk besoj se ka lokale ku nuk përdoret duhani meqë vet frekuentoj shumë lokale. Asnjëherë nuk kam përdorur duhanin dhe me të vërtetë përdorimi i duhanit më shkakton probleme shëndetësore. Organet kompetente duhet të zbatojnë ligjin”, thotë ai. (koha.mk)