Pavarësisht mohimit se ka raste me coronavirus, Turkmenistani ka regjistruar 25 mijë viktima

Turkmenistani, udhëheqësi autoritar i të cilit pretendon se ky vend nuk ka regjistruar asnjë rast të COVID-19, raportohet se ka mbi 25 mijë persona të vdekur të lidhura me sëmundjen. Lista përfshin raste që nga fillimi i pandemisë gjatë dy viteve.

Një burim nga sistemi shëndetësor i Turkmenistanit i tha shërbimit turkmen të Radios Evropa e Lirë se “Megjithëse numri i vdekjeve nga (coronavirusi) nuk është publikuar, Ministria e Shëndetësisë nga krahinat raportohet çdo ditë”.

Turkmenistani, një ish-republikë sovjetike në të cilën jetojnë gati gjashtë milionë njerëz, është një nga të paktën pesë vendet që nuk kanë raportuar asnjë rast të vetëm me coronavirus, sipas një rishikimi të të dhënave të mbledhura nga Universiteti Johns Hopkins dhe Organizata Botërore e Shëndetit.

Tre vendet që nuk i raportuan të dhënat janë ishuj të izoluar në Paqësor dhe Korenë e Veriut, një shtet i kontrolluar rreptësisht.

Presidenti turkmen. Gurbanguly Berdimuhamedov, i cili ka qeverisur që nga viti 2006, hodhi poshtë raportet e coronavirusit në vend si “të rreme” dhe tha gjatë një fjalimi në Kombet e Bashkuara në shtator se përgjigja ndaj pandemisë nuk duhet të “politizohet”. /Telegrafi/