Princi Charles, i cili rezultoi javën e kaluar pozitiv me coronavirus, tani gjendet jashtë izolimit.
“Pasi u këshillua me mjekun e tij, Princi i Uellsit tani është jashtë izolimit”, deklaroi zëdhënësi i tij.
Sipas mediave të huaja, përcjell Telegrafi, Charles 71 vjeç, është në gjendje të mirë shëndetësore, dhe është nën mbikëqyrjen e qeverisë aktuale, kurse vetë izolimi i tij ka zgjatur shtatë ditë, në përputhje me udhëzimet qeveritare dhe mjekësore.
Bëhet e ditur se ai do të vazhdojë të zhvillojë takime përmes video-konferencave dhe atyre telefonike.
Dukesha e Cornwall, 72 vjeç, e cila javën e kaluar rezultoi negative për virusin, është vetë-izoluar në Birkhall, por larg Princit Charles. /Telegrafi/
