Pasi nuk lejuan eurodeputetët të vizitonin migrantët në Bosnje, reagon ministri kroat: Donin të kalonin kufirin në mënyrë të paligjshme

Ministri i Brendshëm i Kroacisëm Davor Bozinoviq foli pasi media italiane raportuan se eurodeputetët u penguan të kontrollonin trajtimin e migrantëve në kufirin mes Bosnje-Hercegovinës dhe Kroacisë.

Ministri kroaat pretendon se ky ishte një provokim, raporton klix.ba.

“Kjo është një tjetër në një seri provokimesh në lidhje me veprimet e policisë kroate në përmbushjen e detyrave të tyre dhe kjo është mbrojtja e kufirit shtetëror”, tha Bozinoviq.

Ai shtoi se policia po vepron në përputhje me ligjin, por që “për disa kjo padyshim që nuk është e mjaftueshme dhe ata po përpiqen të provojnë se policia po bën të kundërtën”. Ai tha se eurodeputetët donin të kalonin kufirin atje ku nuk u lejua dhe se nuk ishte një delegacion zyrtar, por se ata ishin në një marrëveshje private.

“Nëse dikush plotëson kushtet për mbrojtje ndërkombëtare, ai do të vijë në vendkalimin kufitar. Ne do t’ua shpjegojmë këtë institucioneve të BE-së”, tha Bozinoviq.

Ai gjithashtu tha se disa politikanë kroatë dënuan veprimet e policisë dhe mbrojtën parlamentarët që donin të anashkalonin ligjin. /Telegrafi/