Pas qetësimit të situatës në Kuvend, kthehen gotat e qelqit (Foto)

Ka filluar seanca e Kuvendit të Kosovës, ku në rend dite janë 12 pika.

Para fillimit të seancës së Kuvendit është vërejtur se janë ndërruar gotat e deputetëve të Kuvendit, nga ata të plastikës në të qelqit, ashtu siç kanë qenë më parë.

Gotat e plastikes ishin vendosur para secilit deputet pas tensionimit të situatës disa muajsh në Kuvend.

Ndryshe, Kuvendi ka këtë rend dite:

1. Koha për deklarime jashtë rendit të ditës,
2. Koha për pyetje parlamentare,
3. Miratimi i procesverbalit nga seanca e mëparshme,
4. Votimi për emërimin e një anëtari në Komisionin për Kërkesa Pronësore,
5. Votimi i Projektligjit për investimet strategjike në Republikën e Kosovës,
6. Votimi i Propozim-Rezolutës lidhur me Kodin telefonik shtetëror të Republikës së Kosovës,
7. Votimi i Propozim-Rezolutës lidhur me situatën aktuale politike në pjesën veriore të Republikës së Kosovës,
8. Shqyrtimi i parë i Projektligjit nr. 05/L-117 për Akreditim,
9. Shqyrtimi i dytë i Projektligjit nr. 05/L-047 për ndryshimin dhe plotësimin e Ligjit nr. 04/L-065 për të drejtat e Autorit dhe të drejtat e përafërta,
10. Zgjedhja e një (1) anëtari të Këshillit Prokurorial të Kosovës,
11. Shqyrtimi i Raportit mbi gjendjen në Shërbimin Civil të Republikës së Kosovës për vitin 2015,
12. Shqyrtimi i Raportit të Agjencisë së statistikave të Kosovës për vitin 2015. /Telegrafi/