Pas lodhjes së madhe fillon pushimet në fund të vitit, Rita Ora numëron sukseset e shumta që e shoqëruan gjatë 2019-s

Këngëtarja shqiptare me fame botërore, Rita Ora, ka pasur një vit shumë të suksesshëm.

Ajo e nisi vitin 2019 me promovimin e albumit të saj “Pheonix”, që e nxori në shitje në fund të 2019-s, teksa realizoi edhe shumë projekte të tjera filmike e televizive.

Të gjitha sukseset e saj gjatë këtij viti, 29-vjeçarja ka vendosur që t’i numërojë në një fotografi, që ka ndarë së fundmi me ndjekësit e saj në rrjetin social Instagram.

Teksa ka publikuar një fotografi në bikini, nga pushimet që po shijon me familjen në ishullin St. Barths, Rita në përshkrimin e fotografisë ka vënë në dukje se pavarësisht lodhjes, ia ka vletjur gjithçka për sukseset e shumta që pati gjatë këtij viti.

https://www.instagram.com/p/B6URWvclquU/

“Pushimet fillojnë tani. 2019 … ka qenë … i zënë … një film Oliver Twist (mezi presim që të gjithë ta shohin vitin e ardhshëm!) Një turne botëror, një shfaqje televizive, 5 kampanja, disa covera të revistave, 4 video muzikore, duke u përgatitur për 2020 … lançova tequilan time @prosperotequila e cila u rendit në top 10, vitin e parë!! (numër 7) hmmmm çfarë tjetër? Do të vijë tek unë, është vonë dhe jam lodhur ndërsa po e postoj këtë, por ju dua… Unë jam mirënjohëse dhe gati për vitin 2020”, ka shkruar këngëtarja e lindur në Prishtinë.

Kënga e fundit që Rita Ora solli për fansat me klip vazhdon të mbetet “New Look”, teksa pritet që gjatë vitit 2020 të sjell këngën e radhës. /Telegrafi/