Parlamenti i Maqedonisë nuk i mbështeti plotësimet e Ligjit për bujqësi dhe zhvillim rural

Kuvendi i Republikës së Maqedonisë sot në kuadër të seancës së 92-të e shqyrtoi Propozim ligjin për plotësim të Ligjit për bujqësi dhe zhvillim rural, në lexim të parë, të shtruar nga deputetët e opozitës dhe me 65 vota “për” dhe 27 “kundër” konkludoi se nuk është i pranueshëm dhe se nuk mund të jepet në lexim të mëtutjeshëm.

Me Propozim ligjin u kërkua që fermerët të marrin derivate me çmim prej 50 për qind më të lirë nga çmimi i shitjes me pakicë për përpunimin e sipërfaqeve bujqësore.

Deputetët e shqyrtuan edhe Kërkesën për dhënien e interpretimit autentik të nenit 25 paragrafi 1 pika 9 nga Ligji për tatimet e pronës, të parashtruar nga deputeti Marjan Daskallovski nga LSDM-ja dhe me 55 vota “për” dhe tre “kundër” konkludoi se nuk është e arsyeshme dhe se nuk ka nevojë për interpretim..

Kuvendi me 54 vota “për” dhe në “kundër” nuk e pranoi edhe Kërkesën për interpretim autentik të nenit 3 nga Ligji për automjete në lidhje me nenin 2 pika 3 nga Ligji për sigurim të obligueshëm në komunikacion të shtruar nga deputetit Zoran Ilioski nga VMRO-DPMNE-ja.

Me 55 vota “për” dhe tre vota “kundër” nuk kaloi as Kërkesa për interpretim autentik te nenit 134, paragrafi 1, alineja 4 nga Ligji për ndërtim, të parashtruar nga kryetari i komunës së Kumanovës.