Paris Saint-Germain largon zyrtarisht trajnerin Christophe Galtier

Pas përfundimit të sezonit 2022-2023, Paris Saint-Germain ka vendosur t’i japë fund kontratës së trajnerit të ekipit të parë, Christophe Galtier.

Klubi parisien ka njoftuar prishjen e kontratës me konsensus së bashku me trajnerin francez, Galtier, i cili udhëhoqi klubin drejt triumfit në Ligue 1 sezonin e fundit.

“Në fund të vitit financiar 2022-2023, Paris Saint-Germain dhe Christophe Galtier kanë vendosur t’i japin fund kontratës së tij si trajner i ekipit të parë”.

“Klubi dëshiron të theksojë profesionalizmin dhe përkushtimin e tij, i cili i mundësoi Rouge & Bleu të fitojë titullin historik të njëmbëdhjetë të Kampionatit Francez, si dhe një Superkupë”.

Le Paris Saint-Germain et Christophe Galtier ont décidé de mettre un terme à son contrat d’entraîneur de l’équipe première.

— Paris Saint-Germain (@PSG_inside) July 5, 2023

“Paris Saint-Germain fitoi titullin e 11-të të Ligue 1 nën komandën e tij, duke u bërë klubi më i madh në historinë e kampionatit francez”.

“I gjithë Paris Saint-Germain falënderon Christophe Galtier, si dhe ndihmësit e tij Thierry Oleksiak dhe Joao Sacramento, për profesionalizmin dhe përkushtimin e treguar gjatë gjithë sezonit dhe i uron atyre më të mirat për pjesën tjetër të karrierës së tyre”, thuhet në njoftim.

Pasues i Galtier te Paris Saint-Germain thuhet se do të vjen spanjolli Luis Enrique. /Telegrafi/