Paraqitet GeForce GTX 680

Nvidia më në fund edhe zyrtarisht paraqiti kartelën grafike GeForce GTX 680, për të cilën janë duke qarkulluar thashetheme të shumta gjatë muajve të fundit.

Pjesa më e madhe e këtyre thashethemeve u treguan të jenë të sakta, kështu që prej më herët ishin të ditura të gjitha specifikat teknike të çipit të ri, si dhe teknologjitë e reja të cilat Nvidia zbaton në këtë linjë të kartelave.

Kartela është e bazuar në procesorin e parë grafik të arkitekturës Kepler, çipin 28-nanometërsh GK104 me krejtësisht 1,536 bërthama CUDA dhe 128 njësi për tekstura dhe 32 njësi ROP. Mbledhësja e memories ka gjerësinë prej 256 bit, ndërsa sasia e GDDR5 memories së përdorur është 2 GB. Takti themelor i GPU-së është 1,006 MHz (që me overlockun automatik GPU Boost shkon deri në 1,058 MHz), derisa memoria punon në 6,008 MHz efikas dhe mundëson brezin e memories prej 192.26 GB/s.

Teknologjitë e përdorura, siç është GPU Boost, pastaj metoda e zbutjes së këndeve TXAA, përkrahja për 3D Vision në nivel të kartelës, përkrahja e deri në katër ekraneve dhe V-Syncu adaptiv gjithashtu janë të pranishme, e Nvidia thekson edhe mundësitë e avancuara të përllogaritjeve fizike në lojëra si dhe shfaqja më reale e flokëve, lëkurave dhe sipërfaqeve të ngjashme duke iufalënderuar procesorit më të fuqishëm grafik.

Nvidia GeForce GTX 680 momentalisht është kartela më e shpejtë grafike me një procesor në botë, e çmimi i propozuar i shitjes është 499 dollarë – rreth pesëdhjetë dollarë më pak në krahasim me konkurrentin, Radeon HD 7970. /Telegrafi/