Pamje rrëqethëse nga Florida, shtëpia zhduket në sekondë – uragani Idalia e “merr me vete”

Presidenti amerikan Joe Biden ka paralajmëruar qytetarët e Floridës që Idalia, që ka goditur Floridën si uragan i kategorisë së tretë, tani është i kategorisë së parë dhe vazhdon të jetë “shumë i rrezikshëm”.

Uragani i rrezikshëm Idalia i kategorisë së tretë (nga pesë sosh) ka kaluar nëpër Floridë, me erëra që kanë lëvizur me shpejtësi prej 200 kilometra në orë.

Italia është uragani i tretë në Florida që godet këtë vend në vitet e fundit, pas uraganit Ian më 2022 vjeshtë dhe Nicole në nëntor të vitit të kaluar, transmeton Telegrafi.

Biden tha para gazetarëve në Shtëpinë e Bardhë se “në juglindje” po ndihet goditja e këtij uragani. Më shumë se 400 mijë njerëz kanë mbetur pa energji elektrike në Florida dhe Georgia.

Idalia ka kaluar mbrëmë nga një uragan në stuhi tropikale. Megjithatë rreziku nga vërshimet, stuhitë dhe erërat e forta po vazhdon në disa pjesë të Georgia dhe Karolinës së Jugut.

Një video amatore shfaq momentin kur Italia merr me “vete” një shtëpi derisa kalon pranë saj – duke e shkatërruar plotësisht e copëzat i ngrit lart në qiell. /Telegrafi/

https://twitter.com/businessweek07/status/1697072725393825816?ref_src=twsrc%5Etfw%7Ctwcamp%5Etweetembed%7Ctwterm%5E1697072725393825816%7Ctwgr%5Eb803a699639997d0d2c8f54966f5344442e10dd1%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4231656%2Fsok-snimak-sa-floride-kuca-nestaje-u-trenu-uragan-idalija-je-zdrobio