Pamje nga hapja e Zyrës së parë amerikane në Prishtinë më 1996 (Foto/Video)

Shtetet e Bashkuara të Amerikës sot po shënojnë 243 vjetorin e pavarësisë. Kjo ditë po shënohet edhe në Kosovë me aktivitete të ndryshme.

Po ashtu do të bëhet edhe përurimi i objektit të ri të Ambasadës së SHBA-ve në Kosovë, e cila njëherësh do të jetë edhe ambasada më e madhe në Ballkan.

Amerika kishte hapur për herë të parë Zyrën Amerikane në Prishtinë në qershor të vitit 1996.

Lexo po ashtu Sot përurohet objekti i ri i Ambasadës së SHBA-së, më e madhja në Ballkan

Asokohe në ceremoninë hapëse të kësaj zyre kishte marrë pjesë presidenti tashmë i ndjerë Ibrahim Rugova dhe udhëheqës të partive politike në Kosovë.

Për të marrë pjesë në këtë ceremoni nga Amerika kishin ardhur edhe ndihmës sekretari amerikan i shtetit John Kornblum dhe diplomatë të tjerë amerikan të akredituar në Beograd.

Para zyrës qe po hapej ishin grumbulluar edhe disa qindra qytetarë, të cilët dëshironin të ishin dëshmitarë të këtij momenti historik për Kosovën, ku e përshëndetën zbulimin e pllakës së Zyrës amerikane me duartrokitje dhe brohoritjet “USA, USA, USA” dhe “Rugova, Rugova, Rugova”, “Kosova, Kosova, Kosova” etj. /Telegrafi/