Pacolli i kundërpërgjigjet Dimal Bashës për rrymën: Shtëpia ime funksionon me energjinë e Zotit

Lideri i AKR-së Behgjet Pacolli, ka reaguar ndaj deklaratës së deputetit të LVV-së, Dimal Basha, i cili gjatë debatit parlamentar në lidhje me shtrenjtimin e energjisë elektrike, ka përmendur edhe shtëpinë e Pacollit.

“Nëse e kalon përmbi 1 mijë kilovat për një familje duhet me pagu pak ma shumë se Abelard shtëpinë tanë malore në Brezovicë duhet me pagu pak ma shumë se një qytetar në banesë. Nuk besoj që as zotëri Pacolli del kundër me pagu pak ma shumë se e ka shtëpinë më të madhe dhe hargjon më shumë”, tha ai.

Ndërkaq lidhur me këtë, Pacolli si kundërpërgjigje ndaj Bashës tha se shtëpia e tij funksionon me energji efiçiente – alternative.

“Deputeti i partisë në pushtet, sot në debatin parlamentar, para qytetarëve të Kosovës dhe kolegëve, në kontest me tarifat e energjisë elektrike, tha se “Pacolli e ka shtëpinë e madhe dhe duhet ta paguajë rrymën e shtrenjtë”.

“Në pamundësi për të arritur në radhë për t’u përgjigjur, po e siguroj kolegun tim deputet se; Jam mësuar gjithmonë të paguaj, por në këtë rast, nëse nuk keni pretendime tjera , më duhet t’ju ​​zhgënjej… shtëpia ime, sido që të jetë, ajo funksionon me energjinë e Zotit, d.m.th. me energji eficente-alternative”, shkroi Pacolli në Facebook./Telegrafi/