Pa kaluar 24 orë kur mori besimin si kryeministër i Malit të Zi, Krivokapiq thyen rregullat anti coronavirus

Partia Demokratike Socialiste njoftoi se kryeministri, Zdravko Krivokapic dhe ministrat e rinj, në më pak se 24 orë nga zgjedhja e tyre, shkelën masat kundër coronavirusit, për të cilin ata paraqitën një foto në media.

“Në ditët kur coronavirusi po përhapet në Malin e Zi, dhe u mori shumë viktima njerëzore, atyre u duhej të festonin fronëzimin e tyre në një kafene, pa distancë dhe në shkelje të të gjitha masave shëndetësore?! Një rregull vlen për Krivokapiqin dhe ministrat gjersa tjetër për të gjithë njerëzit e tjerë që jetojnë në Malin e Zi?”, shkruan nv njoftimin e partisë së Milo Gjukanoviq, raporton rtcg.

Lexo po ashtu Abazoviq me fjalim të fuqishëm në parlament: Nuk jam as serb, as malazez - jam pjesëtar i komunitetit që e keni shtypur

DPS deklaron se “sjellja arrogante e anëtarëve të qeverisë së re” është në kundërshtim me gjithçka që premtoi kryeministri.

Partia Liberale gjithashtu mendon se cilat do të jenë masat e qeverisë së re kur, siç thonë ata në LP, ata tashmë po i shkelin ato në ditën e parë të mandatit të tyre.

Lexo po ashtu Abazoviq: Më janë ofruar 21 milionë euro për të mos e rrëzuar Gjukanoviqin

Ndryshe, Mali i Zi deri më tani ka regjistruar 38.246 raste me coronavirus gjersa kanë vdekur 533 persona. /Telegrafi/