Osmani u bënë thirrje qytetarëve për t’u vaksinuar: Është akt patriotik që secili prej nesh të vaksinohet

Presidentja Vjosa Osmani u ka bërë sot thirrje qytetarëve të Kosovës që të vaksinohen, në kohën kur vendi po përballet me një rritje të numrit të rasteve të reja të sëmundjes së rrezikshme.

Ajo në një postim në Facebook ka shkruar se ka mjaftueshëm vaksina për të gjithë qytetarët e Kosovës.

“Teksa shqetësimi për variantin e ri të virusit rritet, ne duhet t`i shtojmë përpjekjet për vaksinim. Është akt patriotik që secili prej nesh të vaksinohet sa më parë të jetë e mundshme. Për të mirën e të gjithëve, për sigurinë tonë, për mbarëvajtjen e shtetit tonë, vaksinohuni të gjithë! Ne duhet dhe mund të ngadhënjejmë ndaj çfarëdo virusi! Vaksinohuni!”, shkruan Osmani

Postimi i plotë:

Rritja e numrit të të infektuarve me variantin Delta kërkon shtimin maksimal të kujdesit, sepse po s`u vaksinuam të gjithë, të gjithë do të jemi humbës. Secili prej nesh ka përgjegjësi në raport me tjetrin për t`i zvogëluar dhimbjet, e para se gjithash humbjet.

Teksa shqetësimi për variantin e ri të virusit rritet, ne duhet t`i shtojmë përpjekjet për vaksinim. Është akt patriotik që secili prej nesh të vaksinohet sa më parë të jetë e mundshme. Vaksina ka mjaftueshëm për të gjithë, ndaj duhet të ndajmë pak minuta nga dita për ta bërë një veprim, i cili në kohën e sotme është më shumë se sa personal.

Për të mirën e të gjithëve, për sigurinë tonë, për mbarëvajtjen e shtetit tonë, vaksinohuni të gjithë! Ne duhet dhe mund të ngadhënjejmë ndaj çfarëdo virusi! Vaksinohuni!